લાખોટાની શાનમાં વધારો કરતા અને શિયાળાની ઓળખસમાન બની ગયેલા વિદેશી પંખીડા સીગલનું ચાર-પાંચ દિવસ પહેલા આગમન થઇ ચૂકયું છે અને હવે મજાની વાત એ છે કે, આ પંખીઓની સંખ્યામાં સારો એવો વધારો થયો છે, બાળકો માટે મનોરંજનનું માઘ્યમ બનતા વિદેશી મહેમાનો પક્ષી પ્રેમીઓ માટે પણ હંમેશા આકર્ષણનું કેન્દ્ર રહ્યા છે અને મીડીયાના તસવીરકારો પણ વિદેશી પક્ષીઓની અલગ-અલગ પ્રકારની તસવીરો ખેંચવા માટે આકર્ષાતા રહે છે.

​​​​​​​

આખા શિયાળામાં આ વિદેશી મહેમાનોની રહેતી હાજરી મોર્નિંગ વોક કરનારાઓ માટે પણ એક અનોખો અહેસાસ બની રહે છે. કયારેક વિદેશી મહેમાનોમાં તકરારો પણ થતી જોવા મળે છે જે આ તસવીરમાં જોઇ શકાય છે.