‘જામ્યુકો‘ના શાસક પક્ષના અમુક કોર્પોરેટરો માનદ્દ વેતન વધારવા મુખ્યમંત્રીને રજૂઆત કરશે

September 15, 2026 04:30 PM

જામનગર મહાનગરપાલિકાના ભાજપના કેટલાક કોર્પોરેટરો દ્વારા પોતાને મળતા માનદ્ વેતન-ભથ્થામાં વધારો કરવાની માંગણી ઉઠાવવામાં આવી છે. આ અંગે આગામી દિવસોમાં રાજ્યના મુખ્યમંત્રી સમક્ષ રજૂઆત કરવાની તૈયારીઓ ચાલી રહી છે.

હાલ જામનગર મહાનગરપાલિકાના કોર્પોરેટરોને પ્રતિ માસ આશરે૧૦,૦૦૦ માનદ્ વેતન-ભથ્થું આપવામાં આવે છે. જોકે, છેલ્લા આશરે આઠ વર્ષથી આ રકમમાં વધારો થયો ન હોવાનું જણાવી કોર્પોરેટરો દ્વારા તેમાં વધારો કરવાની માંગણી કરવામાં આવી રહી છે. ભાજપના એક કોર્પોરેટરના જણાવ્યા મુજબ, મહિને ૮થી ૯ હજાર તો માત્ર બાઈકના પેટ્રોલ પાછળ જ ખર્ચાઈ જાય છે. આ ઉપરાંત કોર્પોરેટર તરીકેના જાહેર કામો દરમિયાન અન્ય ખર્ચાઓ પણ થતા રહે છે. તમામ કોર્પોરેટરો આર્થિક રીતે સદ્ધર હોય તેવું પણ નથી. તેથી હાલનું માનદ્ વેતન ખૂબ જ ઓછું છે. આ મુદ્દે શાસકપક્ષના કેટલાક કોર્પોરેટરો એકત્ર થઈ આગામી દિવસોમાં મુખ્યમંત્રી સમક્ષ રજૂઆત કરીને માનદ્ વેતનમાં યોગ્ય વધારો કરવાની માંગણી કરશે. આ રજૂઆતમાં અનેક કોર્પોરેટરો જોડાય તેવી શક્યતા છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

‘જામ્યુકો‘ના શાસક પક્ષના અમુક કોર્પોરેટરો માનદ્દ વેતન વધારવા મુખ્યમંત્રીને રજૂઆત કરશે

Recent News

Gujarat's No. 1 evening newspaper