જામનગરમાં સમર્પણ સર્કલ નજીક મહિલા જજના મકાનમાંથી સવા પાંચ લાખની ચોરી

December 06, 2025 01:20 PM

ઘરના રખોપા માટે રાખેલા આઉટસોર્સના એક કર્મી સામે શંકાની સોઇ : પોલીસ દ્વારા તપાસનો ધમધમાટ

જામનગરના વાસાવીરા પાર્ક વિસ્તારમાં ફેમીલી કોર્ટના જજના મકાનમાંથી સોના-ચાંદીના દાગીના અને રોકડ સહિત ૫.૨૫ લાખની ચોરી થયાનો મામલો પોલીસ મથકે પહોચ્યો છે જેમાં એક શખ્સ સામે શંકા દર્શાવતી ફરીયાદ નોંધાવવામાં આવી છે દરમ્યાનમાં પોલીસ દ્વારા આ ફરીયાદના આધારે તપાસનો ધમધમાટ આદર્યો છે.

જામનગરમાં સમર્પણ સર્કલ પાસે વાસાવીરા પાર્ક શેરી નંબર-૧માં રહેતા અને જામનગરના ફેમિલી કોર્ટના ચીફ જસ્ટિસ તૃપ્તિબેન ધીરજલાલ પડિઆના રહેણાંક મકાનમાંથી તાજેતરમાં સાડા પાંચ લાખની માલમતા ની ચોરી થઈ ગયા ની ફરિયાદ સીટી સી. ડિવિઝન પોલીસ મથકમાં નોંધાવાતાં ભારે ચકચાર જાગી છે. જેમાં શકદાર તરીકે આઉટસોર્સના એક કર્મી કે જેને ઘરનું રખોપુ રાખવા માટે જવાબદારી સોપી હતી તે શંકાના દાયરામાં આવતા આકાશ બીપીન કબીરા નામના આ શખ્સ સામે શંકા દર્શાવતી ફરીયાદ સીટી સી. ડિવિઝનમાં નોંધાવાતા આ અંગેની તપાસ પી.આઇ. એન.બી. ડાભી અને ટીમ ચલાવી રહ્યા છે.

પોલીસ ફરિયાદમાં જાહેર કરાયા અનુસાર ફેમિલી કોર્ટના ચીફ જસ્ટિસ તૃપ્તિબેન પડિયા કે જેઓના મકાનની ફેરબદલી કરવામાં આવતી હતી, અને તમામ સામાન પેક કરીને એક મકાનથી બીજા મકાનમાં મૂકવામાં આવ્યો હતો, જ્યારે ન્યાયાધીશ ની અલગ અલગ કોર્ટમાં ફરજો હોવાથી તેઓની પણ ઘરે અને અન્ય તાલુકા મથકોમાં અવર-જવર રહેતી હતી.

દરમ્યાન ગત તા. ૧૮.૧૧.૨૦૨૫ થી ૨૬.૧૧.૨૦૨૫ ના સમયગાળા દરમિયાન અલગ અલગ સમયે કોઈ તસ્કર દ્વારા બે લાખની રકમ ઉપરાંત સોના ચાંદીના અલગ અલગ ઘરેણા સહિત પાંચ લાખ પચીસ હજારની માલમતા કે જે બેગ તથા અન્ય પાઉચ વગેરેમાં રાખવામાં આવેલા હતા, ત્યાંથી ચોરી કરી લઈ જવાયા છે. એક મકાનના સીસીટીવી કેમેરામાં આઉટસોર્સના કર્મી અને ઘરના રખોપા માટે જવાબદારી સોપેલ ઉપરોકત શકમંદની શંકાસ્પદ હીલચાલ જોવા મળી હતી જેથી આકાશનું નામ શકદાર તરીકે આપવામાં આવ્યુ છે. દરમ્યાનમાં પોલીસ દ્વારા આ અંગે તપાસનો ધમધમાટ આદરવામાં આવ્યો છે અને અલગ અલગ દીશામાં પણ તપાસના ચક્રો ગતીમાન કર્યા છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગરમાં સમર્પણ સર્કલ નજીક મહિલા જજના મકાનમાંથી સવા પાંચ લાખની ચોરી

Recent News

Gujarat's No. 1 evening newspaper