જામનગર: સિકકા સોલ્ટ વિસ્તારમાં ૧.૮૦ લાખના એલ્યુમીનીયમ વાયરની ચોરી

August 26, 2026 11:42 AM

જામનગર: સિકકા સોલ્ટ વિસ્તારમાં ૧.૮૦ લાખના એલ્યુમીનીયમ વાયરની ચોરી

થાંભલામાંથી ૬૩૦૦ મીટર વાયર કાપી ગયા : અજાણ્યા શખ્સોનું કારસ્તાન

સિકકા સોલ્ટ વિસ્તારમાં આવેલ ઇલેકટ્રીક થાંભલાની લાઇનમાંથી કોઇ અજાણ્યા શખ્સો કુલ ૧.૮૦ લાખનો એલ્યુમીનીયમનો તાર ચોરી કરીને લઇ ગયા છે, આ અંગે ફરીયાદ કરવામાં આવી છે.

સિકકા પીજીવીસીએલના બે ઇજનેર અમિતભાઇ પરમાર દ્વારા અજાણ્યા શખ્સો સામે ગઇકાલે વાયર ચોરી કરી ગયાની ફરીયાદ નોંધાવી હતી, ગત તા. ૨૦-૧૨-૨૫થી ૨૫-૮-૨૬ના સમયગાળા દરમ્યાન સિકકા સોલ્ટ વિસ્તારમાં આવેલ ઇલે. થાંભલાના કુલ ૪૫ ગાળાનો એલ્યુમીનીયમનો એલટી વાયર (તાર) આશરે ૫૪૦૦ મીટર જેની કિ. ૧.૩૩.૪૦૦ ગણવામાં આવી છે તેમજ ૧૧ કેવી વિજલાઇનના ૭ ગાળાનો આશરે ૮૪૦ મીટર એચટી વાયર કિ. ૩૮૦૦૦ અને એકસએલપીઇ કેબલ આશરે ૭ મીટર જેની કિ. ૮૦૦૦ મળી કુલ ૧.૮૦.૪૦૦ની કિંમતનો એલ્યુમીનીયમ વાયર અજાણ્યા શખ્સો કાપીને ચોરી કરી ગયા છે. આ ફરીયાદના આધારે સિકકા પોલીસ દ્વારા તપાસ ચલાવવામાં આવી રહી છે.

અત્રે ઉલ્લેખનીય છે કે તાજેતરમાં જામનગર નજીકની વાડીઓમાંથી મોટરમાં ફીટ કરેલો ઇલેકટ્રીક વાયર ચોરી થયાની ફરીયાદો દાખલ કરવામાં આવી હતી સિકકા વિસ્તારમાં પણ વાયર ચોરી કરી ગયાની ફરીયાદો ઉઠતા આ દિશામાં જીણવટરભરી તપાસ આદરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર: સિકકા સોલ્ટ વિસ્તારમાં ૧.૮૦ લાખના એલ્યુમીનીયમ વાયરની ચોરી

Recent News

Gujarat's No. 1 evening newspaper