કાર્તિક આર્યન અને તૃપ્તિ ડિમરીની ફિલ્મ ભૂલ-ભૂલૈયા 3 ની રાહ જોવાઈ રહી છે. મૂળ મંજુલિકા વિદ્યા બાલન આ ફિલ્મથી કમબેક કરી રહી છે. હાલમાં જ સમાચાર આવ્યા હતા કે માધુરી દીક્ષિત પણ ફિલ્મના ગીત આમી જે તોમરમાં વિદ્યા સાથે ડાન્સ કરવા જઈ રહી છે. હવે આ સાથે જોડાયેલા એક તાજા સમાચાર સામે આવ્યા છે. એક રિપોર્ટમાં કહેવામાં આવી રહ્યું છે કે આમી જે તોમરમાં માત્ર વિદ્યા-માધુરી જ નહીં પરંતુ કાર્તિક અને તૃપ્તિ પણ પરફોર્મ કરવાના છે.

આ સિરિઝમાં આમી જે તોમર ફેન્સને સૌથી વધુ ગમતું ગીત છે. હવે ગાયક સંગીતકાર અમલ મલિક આ ગીતને નવો લુક આપવા પર કામ કરી રહ્યો છે. ગીતને નવો લુક આપતાં તેણે ક્લાસિક ટચ જાળવી રાખવાનો પ્રયાસ કર્યો છે. બીજી તરફ ગીતના શૂટિંગ માટે આર્ટ ડાયરેક્ટર રજત પોદ્દાર અને તેમની ટીમે મુંબઈના ફિલ્મ સિટીમાં ભવ્ય સેટ તૈયાર કર્યો છે. આ સેટ પશ્ચિમ બંગાળમાં જોવા મળતા મહેલો જેવો હશે. આ બેકડ્રોપને ધ્યાનમાં રાખીને કોરિયોગ્રાફર ચિન્નીએ ગીત તૈયાર કર્યું છે.

ભૂલ ભૂલૈયા 2 ની જોરદાર હિટ થયા પછી, કાર્તિક આર્યન અને તૃપ્તિ ડિમરી એક મજેદાર હોરર સ્ટોરી લઈને આવી રહ્યા છે. વિદ્યા બાલન આ વાર્તામાં મસાલો ઉમેરવા જઈ રહી છે. ફિલ્મનું મોટાભાગનું શૂટિંગ પૂર્ણ થઈ ગયું હોવાના અહેવાલ છે. કહેવામાં આવી રહ્યું છે કે આ ફિલ્મ આ વર્ષે દિવાળી સુધીમાં રિલીઝ થશે. આ ફિલ્મ કાર્તિકના કરિયર માટે ખૂબ જ ખાસ અને દર્શકોનું મનોરંજન કરનારી છે.