જામનગર શહેરમાં શરાબના ચપલાઓ સાથે ત્રણ શખ્સ ઝબ્બે

June 08, 2026 01:43 PM

જામનગર શહેરમાં શરાબના ચપલાઓ સાથે ત્રણ શખ્સ ઝબ્બે

એકનું નામ ખુલ્યુ: બાઇક અને દારૂ જપ્ત: લાલવાડી નવા આવાસ અને વાલ્કેશ્ર્વરી રોડ પર દરોડા

જામનગરના વાલ્કેશ્ર્વરી રોડ પર બાઇકમાં શરાબની હેરાફેરી કરતા બે શખ્સોને પકડી લેવાયા હતા તેની પાસેથી ૧૦ ચપલા મળી આવતા મુદામાલ કબ્જે કર્યો હતો, તપાસ દરમ્યાન એક શખ્સની સંડોવણી ખુલી હતી ઉપરાંત લાલવાડી નવા આવાસની લોબીમાંથી એક શખ્સને દારૂના બે ચપલા સાથે દબોચી લીધો હતો.

જામનગરના બેડેશ્ર્વર પાણાખાણ વિસ્તારમાં રહેતા આમીન ઇસ્માઇ જેડા અને બેડી મસ્જીદ રોડ પર રહેતા ફૈઝાન જીલાની જેડા નામના બે શખ્સોને હિરો હન્ક નં. જીજે૧૦સીએમ-૧૮૪૦ની વચ્ચેની સીટ ઉપર બાચકામાં વિદેશી દારૂના ૧૦ ચપલા લઇને હેરાફેરી કરતા વાલ્કેશ્ર્વરી રોડ પરથી સીટી-બી પોલીસે પકડી લીધા હતા, ૨૫ હજારની કિંમતનું બાઇક અને ૨ હજારની કિંમતનો દારૂ જપ્ત કર્યો હતો, તપાસ દરમ્યાન શંકરટેકરીમાં રહેતા લાલો ભાનુશાળીની સંડોવણી ખુલી હતી જેને ફરાર જાહેર કરવામાં આવ્યો છે.

આ ઉપરાંત મુળ સિકકા કારાભુંગા વિસ્તારના રામનગરના હાલ લાલવાડી નવા આવાસમાં રહેતા કાંતીલાલ નજાભાઇ વાજા નામના શખ્સને ઇંગ્લીશ દારૂના બે ચપટા સાથે લાલવાડી નવા આવાસ બ્લોક-જીની લોબીમાંથી પકડી લીધો હતો.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર શહેરમાં શરાબના ચપલાઓ સાથે ત્રણ શખ્સ ઝબ્બે

Recent News

Gujarat's No. 1 evening newspaper