દ્વારકા જિલ્લામાં તથા રાજકોટ ગ્રામ્યના પ્રોહીબીશનનાં ગુનામાં નાસતા ફરતા બે આરોપીઓ પકડાયા

દેવભૂમિ દ્વારકા જિલ્લાના મીઠાપુર દ્વારકા, ભાણવડ, તેમજ રાજકોટ ગ્રામ્યના જામકંડોરણા પોલીસ સ્ટેશનના વિવિધ પ્રોહીબીશનના ગુનામાં નાસતા ફરતા બે આરોપીઓને એલસીબીએ પકડી પાડયા છે. 
​​​​​​​
આઇજી નિર્લિપ્તરાય તથા દ્વારકા એસપી જયરાજસિંહ વાળાએ અલગ અલગ ગુનામાં નાસતા ફરતા આરોપીઓ પકડી પાડવા સુચન કરેલ હોય તે અન્વયે એલસીબીના ઇન્ચાર્જ પીઆઇ એન.એચ.જોશીની સુચના અને માર્ગદર્શન મુજબ પીએસઆઇ બી.એમ.દેવમુરારી તથા એસ.વી.કાંબરીયાઓ એલસીબીના સ્ટાફના ટીમના માણસો સાથે ઉપરોકત બાબતે વર્કઆઉટમાં હતા.
તે દરમ્યાન એએસઆઇ શકિતસિંહ જાડેજા તથા પોલીસ હેડ કોન્સ્ટેબલ શકિતસિંહ ઝાલા, તથા વેજાણંદભાઇ બેરા, કોન્સ્ટેબલ મનહરસિંહ જાડેજાને સંયુકતમાં બાતમી હકીકત મળેલ કે દ્વારકા જિલ્લાના દ્વારકા પોલીસ સ્ટેશન તથા મીઠાપુર પોલીસ સ્ટેશન તથા રાજકોટ ગ્રામ્યના જામકંડોરણા પોલીસ સ્ટેશનના અલગ અલગ પોહીબીશનના ગુનાઓના કામના આરોપી ઘેલુ જગાભાઇ કોડીયાતર (રહે.રાણપર ભાણવડ) નામવાળા લાલ શાહીથી દર્શાવેલ નાસતા ફરતા આરોપીને ભાણવડ પોલીસ સ્ટેશન વિસ્તારમાંથી મળેલ હકીકત આધારે પકડી પાડેલ છે. તેમજ ભાણવડ પોલીસ સ્ટેશનના પ્રોહીબીશનના ગુનામાં આરોપી માયા બાલાભાઇ કોડીયાતર (રહે. રાણપર ભાણવડ) નામવાળા ફરારી આરોપીને ભાણવડ પોલીસ સ્ટેશન વિસ્તારમાંથી મળેલ હકીકતના આધારે પકડી પાડી આગળની કાર્યવાહી અર્થે પોલીસ હેડ કોન્સ્ટેબલ વી.ડી.બેરાએ ભાણવડ પોલીસ સ્ટેશનમાં સોંપવામાં આવી છે.