જામનગરની જલારામ સેવા સંસ્થા દ્વારા-ભોજલધામ (ફતેપુર-અમરેલી) ખાતે ૧૦ ફૂટ વ્યાસનો વિશ્વવિક્રમી બાજરાનો રોટલો અર્પણ કરાયો

સંત શિરોમણી પૂજ્ય જલારામ બાપા ના ગુરુ પૂજ્ય ભોજલરામ બાપાને વિશાળ કદ નો રોટલો અર્પણ કરી નવો કીર્તિમાન સ્થાપિત કરાયો

 આ અનોખા ધાર્મિક સેવા કાર્ય સાથે વિશ્વવિક્રમ સ્થાપિત કરવામાં આવ્યો છે, અને ઇન્ટરનેશનલ બુક ઓફ રેકોર્ડ્સ ની ટીમ દ્વારા આ વિશ્વ વિક્રમી રોટલા માટેનું નવું સર્ટીફીકેટ એનાયત કરાયું છે.

ઉલ્લેખનીય છે કે શ્રી જલારામ સેવા ટ્રસ્ટ દ્વારા અગાઉ જામનગરમાં પૂજ્ય સંતશિરોમણી શ્રી જલારામ બાપાને ૭ ફૂટ વ્યાસનો બાજરાનો રોટલો અર્પણ કરી આંતરરાષ્ટ્રીય સ્તરે વિશ્વવિક્રમ નોંધાવ્યો હતો. તે પરંપરાને આગળ વધારતાં આજે ગુરુપૂર્ણિમાના પાવન દિવસે ભોજલધામ ખાતે ૧૦ ફૂટ વ્યાસનો વિશાળ બાજરાનો રોટલો તૈયાર કરી ભાવપૂર્વક અર્પણ કરવામાં આવ્યો હતો.