​​​​​​​પોર્શ કાર અકસ્માત કેસમાં હવે વધુ કાર્યવાહી હાથ ધરવામાં આવી છે. મહાબળેશ્વર સ્થિત નબીરાના પિતા વિશાલ અગ્રવાલની હોટલ પર પ્રશાસનનું બુલડોઝર ચાલી ગયું છે. પારસી જીમખાનાની જમીન પર ગેરકાયદેસર રીતે બનેલી હોટલ વિરુદ્ધ સ્થાનિક પ્રશાસને આ કાર્યવાહી કરી છે. એક અઠવાડિયા પહેલા વહીવટીતંત્રે ગેરકાયદેસર હોટલને સીલ કરી દીધી હતી. ત્યારબાદ હવે તેના પર કાર્યવાહી કરવા માટે બુલડોઝરનો ઉપયોગ કરવામાં આવ્યો છે. પુણેના કલ્યાણી નગર વિસ્તારમાં 19મી મેની સવારે નબીરાએ બાઇક પર મુસાફરી કરી રહેલા બે આઇટી પ્રોફેશનલ્સને ટક્કર મારી હતી. જેના કારણે બંનેના મોત નીપજ્યા હતા.