કમોસમી વરસાદની આગાહીને પગલે ખેડૂતોને પાક સુરક્ષિત કરવા ખેતીવાડી વિભાગ દ્વારા માર્ગદર્શન

May 05, 2025 06:18 PM

જામનગર તા.05 મે, હવામાન વિભાગની આગાહી અનુસાર આગામી તા. ૦૯-૦૫-૨૦૨૫ સુધી વેસ્ટર્ન ડિસ્ટબન્સના કારણે ગુજરાતના તમામ જિલ્લાઓમાં વાતાવરણમાં પલટો જોવા મળશે. રાજ્યના જુદા જુદા વિસ્તારોમાં ગાજવીજ સાથે હળવો વરસાદ થવાની સંભાવના પણ રહેલી છે. આ પરિસ્થિતિને ધ્યાનમાં રાખીને, ખેડૂતોને તેમના પાકને નુકસાનથી બચાવવા માટે નીચે મુજબના તાત્કાલિક પગલાં લેવા જિલ્લા ખેતીવાડી અધિકારી દ્વારા અનુરોધ કરાયો છે.

જો ખેતરમાં કાપણી કરેલો પાક ખુલ્લો હોય, તો તેને તાત્કાલિક સલામત જગ્યાએ ખસેડો અથવા પ્લાસ્ટિક/તાડપત્રીથી વ્યવસ્થિત રીતે ઢાંકી દો.પાકના ઢગલાની ફરતે માટીનો પાળો બનાવો જેથી વરસાદનું પાણી ઢગલાની નીચે ન જાય.આ સમયગાળા દરમિયાન જંતુનાશક દવાઓ અને ખાતરનો ઉપયોગ કરવાનું ટાળો.

કમોસમી વરસાદની આગાહીને ધ્યાનમાં રાખીને, ખાતર અને બિયારણના વેચાણકર્તાઓ તેમના સ્ટોકને ભીનો થતો અટકાવવા ગોડાઉનમાં સુરક્ષિત રાખે.

APMCના વેપારી મિત્રો અને ખેડૂતોને પણ આગોતરા સાવચેતીના પગલાં લેવા અનુરોધ કરવામાં આવે છે. APMCમાં અનાજ અને અન્ય ખેતપેદાશોને સુરક્ષિત રાખવા માટે યોગ્ય વ્યવસ્થા કરો. આ દિવસો દરમિયાન APMCમાં વેચાણ માટે આવતી પેદાશોને ટાળો અથવા તેને સુરક્ષિત રાખો.

વધુ માહિતી માટે, આપના વિસ્તારના ગ્રામસેવક, વિસ્તરણ અધિકારી, તાલુકા અમલીકરણ અધિકારી, મદદનીશ ખેતી નિયામક, જિલ્લા ખેતીવાડી અધિકારી, નાયબ ખેતી નિયામક (તાલીમ), KVK અથવા કિસાન કોલ સેન્ટરના ટોલ ફ્રી નંબર - ૧૮૦૦૧૮૦૧૫૫૧ પર સંપર્ક કરવા જણાવાયુ છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

કમોસમી વરસાદની આગાહીને પગલે ખેડૂતોને પાક સુરક્ષિત કરવા ખેતીવાડી વિભાગ દ્વારા માર્ગદર્શન

Recent News

Gujarat's No. 1 evening newspaper