મારી નાખવાની ધમકી સબબ પરિવારજનો સામે ફરિયાદ

ભાણવડ તાબેના મેવાસા ગામે રહેતા દિલીપભાઈ પુંજાભાઈ કાંબરીયા નામના 25 વર્ષના આહિર યુવાનના સાળા ધ્રુવભાઈ ફરિયાદી દિલીપભાઈના પત્ની ગીતાબેનને તેમના ઘરે મૂકવા આવ્યા હતા. ત્યારે અહીં આરોપી મોતીબેન સામતભાઈ અરશીભાઈ કાંબરીયા તેમજ નિકુંજ સામતભાઈ જોઈ જતા ફરિયાદી દિલીપભાઈ સાથે બોલાચાલી કરી અને ઝઘડો કર્યો હતો.

અહીં આરોપી નિકુંજના મોટરસાયકલ પર અન્ય એક આરોપી શખ્સ સામત અરશીભાઈ કાંબરીયાને બોલાવી લેતા આરોપી સામતે બોલાચાલી કરી ઝઘડો કર્યો હતો. ફરિયાદી દિલીપભાઈના સસરા પરિવારના સભ્યોને ઘરે નહીં આવવાનું કહેવામાં આવતા દિલીપભાઈએ તેમના સસરા પરિવારના સભ્યો તેમના ઘરે આવશે તેમ કહ્યું હતું. આ રીતે થયેલી બોલાચાલીમાં આરોપીઓ દ્વારા લાકડાના ધોકા વડે હુમલો કરવામાં આવતા ફરિયાદી દિલીપભાઈ તેમજ સાહેદ પુંજાભાઈ અરશીભાઈને ઇજાઓ પહોંચી હતી. આ પ્રકરણમાં આરોપીઓએ હુમલો કરી, ઇજાઓ પહોંચાડયાની તેમજ જાનથી મારી નાખવાની ધમકી આપ્યાની ફરિયાદ ભાણવડ પોલીસ મથકમાં નોંધાવવામાં આવી છે.

કળિયુગી શ્રવણ: વયોવૃદ્ધ પિતાને માર મારતા શખ્સ સામે ફરિયાદ

ખંભાળિયામાં ધરમપુર વિસ્તારમાં બેડીયા વાડી ખાતે રહેતા ભોજાભાઈ દેવાણંદભાઈ કારીયા નામના 83 વર્ષના ગઢવી વૃદ્ધના બે પુત્રો પૈકી મોટો પુત્ર ભારો કંઈ કામ ધંધો ન કરતો હોવાથી તેમણે પોતાના પુત્ર ભારાને કામ ધંધો કરવાનો કહેતા આ બાબતથી ઉશ્કેરાયેલા ભારા ભોજાભાઈ કારીયાએ પોતાના પિતા ભોજાભાઈને લાકડાના ધોકા વડે માર મારી ઇજાઓ કર્યાની ફરિયાદ અહીંના પોલીસ મથકમાં નોંધાવવામાં આવી છે.