ઉના ગીરગઢડા પોલીસે બાબરીયા ચેક પોસ્ટ આગળ કારમાં છુપાવી લઇ જવાતી ઈંગ્લીશ દા ની ૧૪૪ બોટલો રૂપિયા ૧.૫૭ લાખના મુદામાલ સાથે એકને પકડી પાડયો હતો, જયારે બે શખસો નાસી છૂટયા હતાં .. ગીરગઢડા પોલીસ સ્ટેશનના કોન્સ્ટેબલ દિલીપસિંહ વાઢેળ અને હિતેશભાઈ પેટ્રોલિંગમાં હતા ત્યારે બાબરીયા ચેક પોસ્ટ આગળ ઊના તરફથી આવતી અલ્ટો કાર નંબર જીજે–૦૫–સીપી–૯૨૩૧ને રોકાવતા કારમાં સવાર બે શખસો દૂરથી જ પોલીસને જોઇ નાસી છૂટયા હતાં. જયારે કારમાં સવાર પિયુષ શંભુભાઈ દગીયા (રહે. જામવાળા તા.ગીરગઢડા)ને ઝડપી લઇ કારની તલાશી લેતાં પ્લાસ્ટિકના બાચકામાં રાખેલ જુદી જુદી બ્રાન્ડ ની ઈંગ્લિશ દાની બોટલો નગં ૧૪૪ કિ.રૂા.૧,૦૪,૪૦૦ની મળી આવતા દારૂ તેમજ કાર મળી કુલ પિયા ૧,૫૭,૪૦૦નો મુદામાલ કબજે કર્યેા હતો. શખસની પુછપરછમાં નાસી જનાર જયેશ તુલસીભાઈ હેમાણી (રહે. જુનાગઢ), શંભુ જુગાભાઈ દગીયા (રહે. જામવાળા, તા. ગીરગઢડા) હોવાનું જણાવતા પોલીસે ત્રણેય સામે ગુનો નોંધી નાસી ગયેલા બન્નેની શોધખોળ હાથ ધરી છે