જામનગર શહેરમાં પોલીસે વર્લીના જુગાર અંગે ૩ સ્થળે દરોડા પાડીને રોકડ તથા સાહિત્ય સાથે શખ્સોને દબોચી લીધા હતા.
જામનગરના દિવ્વીજય પ્લોટ શેરી નંબર ૫૮ માં દરોડો પાડી જાહેરમાં વરલી મટકાના આંકડા લખી રહેલા શંભુગર કલ્યાણગર ગોસ્વામીની રોકડા ૫૪૦ સાથે અટકાયત કરી લઈ તેની પાસેથી વરલી મટકા નું સાહિત્ય કબ્જે કર્યું છે.
 આ ઉપરાંત ઓશવાળ સર્કલ પાસેથી સિટી એ. ડિવિઝનના પોલિસ સ્ટાફે દિપક શામજીભાઈ ભદ્રા નામના શખ્સને રુા. ૮૦૦ની રોકડ સાથે જાહેરમાં વરલી મટકાના આંકડા લખવા અંગે ઝડપી લીધો છે, અને વરલીમટકાનું સાહિત્ય કબજે કર્યું છે. આ ઉપરાંત દિ.પ્લોટ ૫૪ વિશ્રામ વાડી પાસે રહેતા બાબુ મીઠુ મંગે નામના શખ્સને દિ.પ્લોટ ૫૮માં વર્લી મટકાનો જુગાર રમતા રોકડા ૭૨૦ અને એક ચિઠ્ઠી સાથે પકડી લેવાયો હતો.