19 ટ્રેનોની સ્પીડ વધશે અને 6ની સ્પીડ ઘટશે

પશ્ચિમ રેલવેના રાજકોટ ડિવિઝનમાં આગામી તા.૧ જાન્યુઆરી ૨૦૨૫ થી નવું ટાઈમ ટેબલ લાગુ કરવામાં આવી રહ્યું છે. આમાં, કેટલીક ટ્રેનોની સ્પીડ વધારવામાં આવી રહી છે, જેના કારણે આ ટ્રેનો તેમના વર્તમાન નિર્ધારિત સમય પહેલા તેમના ગંતવ્ય સ્થાન પર પહોંચી જશે.

રાજકોટ ડિવિઝનમાંથી પસાર થતી ૧૯ ટ્રેનોની સ્પીડ આ વખતે વધારવામાં આવી છે અને ઓપરેશનલ કારણોસર ૬ ટ્રેનોની સ્પીડમાં ઘટાડો કરવામાં આવ્યો છે. ટ્રેનોની સ્પીડ વધવાના પરિણામે પેસેન્જર ટ્રેનોના ઓપરેટિંગ સમયમાં ઘટાડો થયો છે. મુસાફરોને આનો સંપૂર્ણ લાભ મળશે અને તેઓ તેમના ગંતવ્ય સ્થાન પર પહોંચવામાં સમય બચાવશે. આ સમયગાળા દરમિયાન, રાજકોટ ડિવિઝનના વિવિધ સ્ટેશ આવ્યો છે પણ ૩૭ ટ્રેનોનો વહેલા કરવામાં ટ્રેનો તેમના અગાઉના સમય કરતાં ૫ મિનિટ થી લઇને ૩૩ મિનિટ સુધી વહેલા પહોંચશે. તેવી જ રીતે, ૨૨ ટ્રેનોના સમય મોડા કરવામાં આવ્યા છે જેમાં ટ્રેનો તેમના અગાઉના સમય કરતા-૫ મિનિટથી લઈને ૨૦ મિનિટ સુધી મોડી પહોંચશે.

ઓખા, દ્વારકા, ખંભાળિયા, જામનગર, હાપા, રાજકોટ, ભક્તિનગર, વાંકાનેર, થાન, સુરેન્દ્રનગર અને રાજકોટ ડિવિઝનના અન્ય સ્ટેશનોના સમયમાં ફેરફાર થશે જેમાં આ ટ્રેનો તેમના વર્તમાન નિર્ધારિત સમય પહેલા કે પછી પહોંચશે. વધુ માહિતી માટે રેલ ઈન્કવાયરી નં. ૧૩૯ અથવા સાઇટ ઉપર તપાસ કરવા યાદીમાં જણાવાયું છે.