ઇઝરાયલી સેનાએ હમાસને હરાવવા અને પોતાના બંધકોને છોડાવવા માટે ગાઝામાં એક મોટું મિલિટરી ઓપરેશન શરૂ કર્યું છે. આ ઓપરેશન હેઠળ ઇઝરાયલે છેલ્લા 3 દિવસમાં ગાઝા પર ઘણા મોટા હુમલા કર્યા છે, જેમાં 250થી વધુ લોકોના મોત થયા છે.

​​​​​​​તો બીજી તરફ, માત્ર છેલ્લા 24 કલાકમાં જ ગાઝા પટ્ટીમાં હમાસના 150થી વધુ ઠેકાણાં પર હુમલા કરવામાં આવ્યા છે. ઇઝરાયલનું કહેવું છે કે તે જ્યાં સુધી હમાસ ખતમ નહીં થાય ત્યાં સુધી પોતાનું અભિયાન ચાલુ રાખશે.

ઇઝરાયલે ગાઝા પર કંટ્રોલ માટે 5 મેના રોજ ‘ગિડઓન ચેરિયટ્સ’ મિલિટરી ઓપરેશનની શરૂઆત કરી હતી. ઇઝરાયલે માર્ચ 2025માં ગાઝાની અંદર ફૂડ અને ફ્યુઅલ સપ્લાય રોકવાનો નિર્ણય કર્યો હતો. ઇઝરાયલી સરકારે દાવો કર્યો હતો કે તેનાથી હમાસ નબળું પડશે.