કલ્યાણપુર તાલુકાના રાવલ ગામે રહેતા અને સોની કામના વેપાર ધંધા સાથે સંકળાયેલા અશોકભાઈ કાંતિલાલ પૈડા (ઉ.વ. 45) તેમજ અન્ય એક સોની વેપારી ચીમનલાલ નાનજીભાઈ પૈડાએ પોતાની સોના-ચાંદીની દુકાનમાં સી.સી. ટી.વી. કેમેરા ન લગાવતા સ્થાનિક પોલીસે બંને વેપારીઓ સામે જાહેરનામા ભાંગની કલમ હેઠળ ગુનો નોંધી, જરૂરી કાર્યવાહી કરી હતી.

બાલાપરના દરિયામાં મંજૂરી વગર માછીમારી કરવા ગયેલા શખ્સ સામે ગુનો

ઓખા મંડળના બેટ દ્વારકા વિસ્તારમાં આવેલા બાલાપર દરિયા કિનારે મંજૂરી વગર અલ નાઝમીન નામની ફિશીંગ બોટમાં માછીમારી કરવા ગયેલા સુમાર સાલેમામદ સુંભણીયા નામના 45 વર્ષના મુસ્લિમ ભડેલા શખ્સ સામે બેટ દ્વારકા પોલીસ મથકમાં ગુનો નોંધાયો છે.