ભારતીય નાગરિક ઉડ્ડયન સુરક્ષા બ્યૂરોએ સેલેબી એરપોર્ટ સર્વિસીસ ઇન્ડિયા પ્રાઇવેટ લિમિટેડની સુરક્ષા મંજૂરી તાત્કાલિક અસરથી રદ કરી દીધી છે. સરકારે માહિતી આપી કે રાષ્ટ્રીય સુરક્ષાના હિતમાં આ નિર્ણય લેવામાં આવ્યો છે. સેલેબી એક તુર્કીની કંપની છે જે ભારતમાં ગ્રાઉન્ડ હેન્ડલિંગ સેવાઓ આપે છે.

​​​​​​​

ભારત વિરુદ્ધ સૈન્ય કાર્યવાહીમાં પાકિસ્તાનની મદદ કરનારા તુર્કી વિરુદ્ધ મોદી સરકાર સતત કાર્યવાહી કરી રહી છે. શુક્રવારે નાગરિક ઉડ્ડયન સુરક્ષા બ્યૂરોએ સેલેબી એરપોર્ટ સર્વિસીસ ઇન્ડિયા પ્રાઇવેટ લિમિટેડની સુરક્ષા મંજૂરી તાત્કાલિક અસરથી રદ કરી દીધી છે. સરકારે માહિતી આપી કે રાષ્ટ્રીય સુરક્ષાના હિતમાં આ નિર્ણય લેવામાં આવ્યો છે.

સેલેબી એક તુર્કીની કંપની છે જે ભારતમાં ગ્રાઉન્ડ હેન્ડલિંગ સેવાઓ આપે છે. આ કંપની મુંબઈ, દિલ્હી, હૈદરાબાદ સહિત ઘણા મુખ્ય હવાઈમથકો પર બેગેજ હેન્ડલિંગ, રેમ્પ સર્વિસ, કાર્ગો હેન્ડલિંગ જેવી સેવાઓ આપતી રહી છે.