વિદેશ મંત્રાલયના પ્રવક્તા રણધીર જયસ્વાલે જણાવ્યું હતું કે અમે નોંધ્યું છે કે ભારતીય રાજ્ય અરુણાચલ પ્રદેશમાં સ્થળોના નામ બદલવાના નિરર્થક પ્રયાસો ચાલુ રાખે છે. અમારા સૈદ્ધાંતિક વલણને અનુરૂપ, અમે આવા પ્રયાસોને સ્પષ્ટપણે નકારીએ છીએ.

વિદેશ મંત્રાલયના પ્રવક્તા રણધીર જયસ્વાલે ચીનને કડક સંદેશ આપતા કહ્યું કે નામ બદલવાના કૃત્યથી એ હકીકત બદલાશે નહીં કે અરુણાચલ પ્રદેશ ભારતનો અભિન્ન ભાગ હતો, છે અને હંમેશા રહેશે. ચીન અરુણાચલ પ્રદેશને દક્ષિણ તિબેટનો પોતાનો ભાગ ગણાવે છે.

ચીન, જે અરુણાચલ પ્રદેશને પોતાના પ્રદેશનો ભાગ ગણાવે છે, તેણે વારંવાર પૂર્વોત્તર રાજ્યના અનેક સ્થળોના નામ બદલેલા નકશા બહાર પાડ્યા છે. 2024 માં, ચીને અરુણાચલ પ્રદેશના વિવિધ સ્થળોના 30 નવા નામોની યાદી બહાર પાડી, જેને ભારતે સ્પષ્ટપણે નકારી કાઢી. અરુણાચલ પ્રદેશને લઈને ભારત અને ચીન વચ્ચેનો સરહદ વિવાદ લાંબા સમયથી સંઘર્ષનું કારણ રહ્યો છે. આ પ્રદેશ ચીનના તિબેટ પ્રદેશ સાથે સરહદ વહેંચે છે.

ભારત અને ચીન વચ્ચે ઘણા વર્ષોથી વિવાદ ચાલી રહ્યો છે. બંને વચ્ચેની સરહદને વાસ્તવિક નિયંત્રણ રેખા (એલએસી) કહેવામાં આવે છે. મેકમોહન લાઇન તરીકે ઓળખાતી તે ભારતના અરુણાચલ પ્રદેશને તિબેટથી અલગ કરે છે. જોકે, ચીન આ વાતને માન્યતા આપતું નથી અને અરુણાચલ પ્રદેશને દક્ષિણ તિબેટનો ભાગ ગણાવે છે. ચીન અરુણાચલ પ્રદેશને ઝાંગનાન કહે છે. ભારતે હંમેશા ચીનના દાવાઓને નકારી કાઢ્યા છે અને કહ્યું છે કે અરુણાચલ પ્રદેશ ભારતનો અભિન્ન ભાગ છે.