ગળાફાંસો ખાઇને જીવતર ટુંકાવ્યું : પરિવારમાં શોકની લાગણી

મુળ રાજસ્થાનના બાડમેરના વતની અને હાલ ફલ્લા ગામ ઓઇલ ઇન્ડસ્ટ્રીઝ ખાતે રહેતા વૃઘ્ધે આર્થિક ભીંસના કારણે ગળાફાંસો ખાઇ આયખુ ટુંકાવી લેતા શોકની લાગણી ફેલાઇ જવા પામી છે.
રાજસ્થાનના બાડમેર જીલ્લાના કોનરા ગામના વતની અને હાલ ફલ્લા ગામમાં જય બાલાજી ઓઇલ ઇન્ડ. ખાતે રહેતા અને મજુરી કામ કરતા અગ્રારામ ઠાકરારામ મેઘવાર (ઉ.વ.૫૧) ઘણા સમયથી કામ ધંધાર્થે ગુજરાતમાં આવેલા હોય તેમનો કામ ધંધો બરાબર ચાલતો ન હોય આથી પરિવારને આર્થિક રીતે મદદરુપ થઇ શકતા ન હોય દરમ્યાન આર્થીક ભીંસના કારણે પોતાની ઓરડીમાં લોખંડના એન્ગલમાં ટુવાલ વડે ગઇ કાલે ગળાફાંસો ખાઇ લેતા મૃત્યુ થયુ હતું.
આ અંગે કોનરા ગામના શ્રવણ ઠાકરારામ દ્વારા પંચ-એમાં જાણ કરવામાં આવી હતી જેથી પોલીસે આગળની કાર્યવાહી હાથ ધરી હતી. વૃઘ્ધના બનાવથી પરિવારમાં શોકની લાગણી ફેલાઇ ગઇ હતી.