ક્રિકેટ વિભૂતિની પુણ્યતિથી પર વડનગરા નાગર જ્ઞાતિ દ્વારા શ્રદ્ધાંજલિ અર્પણ

ભારતનાં ભૂતપૂર્વ ક્રિકેટર અને બેટીંગ ઉપરાંત બંને હાથે બોલીંગ કરી શકતા લેજન્ડરી ઓલરાઉન્ડર સ્વ. વિનુ માંકડની પુણ્યતિથી બોળ ચોથનાં દિને વડનગરા નાગર જ્ઞાતિ જામનગર દ્વારા શ્રદ્ધાંજલિ કાર્યક્રમ યોજવામાં આવ્યો હતો. જે અંતર્ગત શહેરમાં ક્રિકેટ બંગલા નજીક વિનુ માંકડ માર્ગ પર આવેલ સ્વ.વિનુ માંકડની પ્રતિમાને જ્ઞાતિનાં હોદ્દેદારો, જ્ઞાતિજનો તેમજ બાળ અને યુવા ખેલાડીઓ દ્વારા પુષ્પાંજલિ અર્પણ કરવામાં આવી હતી. ભોલાનાથભાઇ રીંડાણી સહિતનાં જ્ઞાતિનાં આગેવાનોએ વિનુ માંકડની પુણ્યતિથી પર પરંપરાગત રીતે પુષ્પાંજલિનો કાર્યક્રમ યોજાયો હોવાનું જણાવી તેમનાં યોગદાનને ક્રિકેટ જગતમાં અવિસ્મરણીય તથા જ્ઞાતિજનો અને યુવા ખેલાડીઓ માટે પ્રેરક અને ગૌરવપ્રદ ગણાવ્યું હતું.