કેબિનેટ મંત્રી મુળુભાઈ બેરા સહિત આગેવાનો ઉપસ્થિત

દેવભૂમિ દ્વારકા જિલ્લામાં આગામી સ્થાનિક સ્વરાજ્યની ચૂંટણીઓને ધ્યાનમાં રાખીને આજે ભાણવડમાં ભારતીય જનતા પાર્ટીની એક મહત્વપૂર્ણ બેઠક યોજાઈ હતી.

બેઠકમાં કેબિનેટ મંત્રી મુળુભાઈ બેરા અને જિલ્લા ભાજપ પ્રમુખ મયુરભાઈ ગઢવીની વિશેષ ઉપસ્થિતિ રહી હતી.દ્વારકા, ભાણવડ અને સલાયા નગરપાલિકાઓની આગામી ચૂંટણીઓ માટે વિસ્તૃત રણનીતિ ઘડવામાં આવી હતી. બેઠકમાં તાલુકા પંચાયતની ખાલી પડેલી બેઠક પર પણ ચર્ચા કરવામાં આવી હતી. પક્ષના નેતાઓએ સર્વસંમતિથી નિર્ણય લીધો કે સ્થાનિક સમુદાયો સાથે સંકલન સાધીને મજબૂત ચૂંટણી અભિયાન ચલાવવામાં આવશે.

બેઠકમાં ભાજપના મહામંત્રીઓ અને મંડળના હોદ્દેદારોએ પણ હાજરી આપી હતી. તમામ નેતાઓએ ચૂંટણીમાં ભવ્ય વિજય મેળવવા માટે એકજૂથ થઈને કામ કરવાનો સંકલ્પ લીધો હતો. આગામી દિવસોમાં ચૂંટણી લક્ષી વિવિધ કાર્યક્રમો અને જનસંપર્ક અભિયાન શરૂ કરવાનું આયોજન કરવામાં આવ્યું છે.