જામજોધપુરના મારામારીના ગુનામાં નાસતા ફરતા આરોપીને જામનગર પેરોલ ફર્લો સ્કવોડે પકડી પાડયો હતો.
જામનગર જીલ્લા પોલીસવડા પ્રેમસુખ ડેલુએ નાસતા ફરતા આરોપીઓને શોધી કાઢવા સુચના આપેલ હોય જેથી એલસીબી પીઆઇ બી.એન. ચૌધરીના માર્ગદર્શન મુજબ પેરોલ ફર્લો સ્કવોડના પીએસઆઇ એલ.જે. મિયાત્રા તથા સ્ટાફના માણસો જરુરી વર્કઆઉટમાં હતા.
દરમ્યાન પોલીસ સ્ટાફના ગજેન્દ્રસિંહ જાડેજા, લખધીરસિંહ જાડેજા, કરણસિંહ જાડેજા, ભગીરથસિંહ સરવૈયા, ધર્મેન્દ્રભાઇ વૈષ્ણવને મળેલ બાતમી અધારે જામનગર જીલ્લાના જામજોધપુર પોલીસ સ્ટેશનના કલમ ૩૨૩, ૫૦૪ મુજબના ગુનામા નાસતો ફરતો આરોપી રાજેશ માયા મસુરા (ઉ.વ.૩૨) રહે. ખંભાળીયા, મંદિર પાસે દ્વારકાવાળાને માર્કેટીંગ યાર્ડ રોડ જામજોધપુર ખાતેથી પકડી પાડી આગળની કાર્યવાહી માટે જામજોધપુર પોલીસ સ્ટેશન ખાતે સોપી આપ્યો હતો.