જામનગર : સૈનિક સ્કૂલ બાલાચડીના વિદ્યાર્થીઓએ શાળાનું ગૌરવ વધાર્યું

November 17, 2025 12:34 PM

સૈનિક સ્કૂલ બાલાચડીના કેડેટ્સે ફરી એકવાર ખેલ મહાકુંભ સ્પર્ધાઓમાં નોંધપાત્ર સફળતા મેળવીને પોતાની શ્રેષ્ઠતા દર્શાવી છે. અનેક રમતોમાં પોતાનું કૌશલ્ય સાબિત કરીને, કેડેટ્સે ઉત્કૃષ્ટ પ્રદર્શન કરીને શાળાનું ગૌરવ વધાર્યું છે.સૈનિક સ્કૂલ બાલાચડીની બોયઝ હોકી, બાસ્કેટબોલ અને વોલીબોલ ટીમોએ અંડર-૧૪ અને અંડર-૧૭ બંને કેટેગરીમાં પ્રથમ સ્થાન મેળવ્યું હતું, જ્યારે અંડર-૧૭ ગર્લ્સ વોલીબોલ ટીમે અનુકરણીય કૌશલ્ય, ટીમવર્ક અને નિશ્ચય દર્શાવતા બીજું સ્થાન મેળવ્યું હતું.

ખેલ મહાકુંભ ચેસ સ્પર્ધામાં, બાલાચડી શાળાનો અવિરત પણે વિજયનો સિલસિલો ચાલુ રાખ્યો છે. ઓપન કેટેગરીમાં, કેડેટ શ્રીશાંત કંપા, કેડેટ માનવ નકુમ અને કેડેટ પંથ પટેલે અનુક્રમે પ્રથમ, બીજું અને ત્રીજું સ્થાન મેળવ્યું હતું. અંડર-૧૪ કેટેગરીમાં, કેડેટ્સ ઓમ મારુએ પ્રથમ સ્થાન મેળવ્યું હતું, જ્યારે અંડર-૧૭ કેટેગરીમાં, કેડેટ કેહને ત્રીજું સ્થાન મેળવ્યું હતું.

સૈનિક સ્કૂલ બાલાચડીના આચાર્ય, ઉપપ્રમુખ, વહીવટી અધિકારી અને સમગ્ર સ્ટાફે કેડેટ્સને તેમની નોંધપાત્ર સિદ્ધિઓ બદલ અભિનંદન આપ્યા અને ભવિષ્યના પ્રયાસોમાં તેમને સતત સફળતા મળે તેવી શુભેચ્છા પાઠવી.

આ સિદ્ધિઓ શાળાના કેડેટ્સમાં શિસ્ત, શ્રેષ્ઠતા અને રમતગમતના ગુણો કેળવવાની પ્રતિબદ્ધતાનો પુરાવો છે.સતત રીતે બાલાચડીના વિધાર્થીઓ પ્રગતિના પંથે આગળ વધે તેવી સમગ્ર શાળા પરિવાર તરફથી શુભેરછાઓ પાઠવવામાં આવી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application

જામનગર : સૈનિક સ્કૂલ બાલાચડીના વિદ્યાર્થીઓએ શાળાનું ગૌરવ વધાર્યું

Recent News

Gujarat's No. 1 evening newspaper