શાહરૂખ કે રજનીકાંત નહીં, અલ્લુ અર્જુન બન્યો સૌથી મોંઘો સ્ટારએક જ ફિલ્મ માટે ૩૦૦ કરોડ રૂપિયાની  ફી વસુલીરતીય સિનેમામાં નવી ફિલ્મો અને તેમની કમાણી ચર્ચાનો વિષય રહે છે, ત્યારે તેમના મુખ્ય કલાકારોની ફી પણ હેડલાઇન્સમાં રહે છે. દરેક વ્યકિત તેમની ફી અને તેઓ ફિલ્મ માટે કેટલી ફી લે છે તે જાણવા માટે ઉત્સુક હોય છે. ૯૦ ના દાયકામાં, દક્ષિણના સુપરસ્ટાર ચિરંજીવી સૌથી મોંઘા અભિનેતા હતા, જે એક ફિલ્મ માટે ૧ કરોડ ચાર્જ કરતા હતા. આ પછી, બોલિવૂડ ભારતના સૌથી ધનિક કલાકારોમાં મોખરે રહ્યું, પરંતુ હવે આ દક્ષિણ અભિનેતાએ આગેવાની લીધી છે અને પોતાને સૌથી મોંઘા અભિનેતા તરીકે સ્થાપિત કરી છે.
અહેવાલો અનુસાર, દક્ષિણના સુપરસ્ટાર અલ્લુ અર્જુને તેની બ્લોકબસ્ટર ફિલ્મ ''પુષ્પા ૨: ધ રૂલ'' માટે ૩૦૦ કરોડ ચાર્જ કર્યા, જેના કારણે તે ભારતનો સૌથી મોંઘો અભિનેતા બન્યો. એવું કહેવામાં આવી રહ્યું છે કે તેણે ફિલ્મના નફા ઉપરાંત ૩૦૦ કરોડ ફી લીધી હતી, જેના કારણે તેની કમાણીએ રેકોર્ડ તોડી નાખ્યા છે. ''પુષ્પા ૨'' ની વાત કરીએ તો, ફિલ્મે વિશ્વભરમાં ૧૭૦૦ કરોડથી વધુની કમાણી કરી અને ૬૦૦ કરોડથી વધુનો નફો કર્યેા.
નોંધનીય છે કે વર્ષેાથી, બોલિવૂડ સેલિબ્રિટીઓ આ યાદીમાં ટોચ પર છે. શાહરૂખ ખાન, સલમાન ખાન અને આમિર ખાન સૌથી વધુ કમાણી કરનારા કલાકારોમાંના એક હતા. ૨૦૧૦ માં, આમિર, શાહરૂખ અને સલમાને તેમની ફિલ્મો માટે ૧૦૦ કરોડથી વધુની કમાણી કરી હતી. શાહરૂખે ''જવાન'' અને ''પઠાણ'' માટે પણ ૨૦૦ કરોડથી વધુની કમાણી કરી હતી. દરમિયાન, દક્ષિણમાં, રજનીકાંતે ''જેલર'' માટે ૨૫૦ કરોડની કમાણી કરી હતી, જે ઘણા સ્ટાર્સને પાછળ છોડી દે છે. જોકે, અલ્લુ અર્જુને હવે આગેવાની લીધી છે.
આગામી ફિલ્મો વિશે વાત કરીએ તો, અલ્લુ અર્જુન એટલીની ''રાકા'' માં જોવા મળશે, જેમાં દીપિકા પાદુકોણ મુખ્ય ભૂમિકામાં છે અને ડિસેમ્બર ૨૦૨૭ માં રિલીઝ થવાની છે. આ ફિલ્મ એક એકશન–એડવેન્ચર ફિલ્મ હશે, જેમાં અલ્લુ અર્જુન એક અલગ ભૂમિકામાં હશે