પીજીવીસીએલના  મેનેજિંગ ડિરેક્ટર પ્રીતિ શર્મા દ્વારા ગઈકાલ તા.૦૪,૦૭,૨૦૨ ના રોજ જામનગર વર્તુળ કચેરીની ફિલ્ડ વિઝિટ કરવામાં આવી હતી.

જે મુલાકાત દરમિયાન તેઓએ જામનગર વિસ્તાર હેઠળ ચાલતી વિવિધ કામગીરીની સમીક્ષા કરી હતી. ખાસ કરીને ચોમાસા દરમિયાન વીજ ગ્રાહકોને સાતત્યપૂર્ણ વીજ પુરવઠો મળી રહે, તે માટે હૈયાત વીજલાઈનને બદલે કવર્ડ કેબલ નાખવાની કામગીરી ઝડપી પૂર્ણ કરવા તાકીદ કરી હતી.

આ ઉપરાંત, સ્માર્ટ વીજ મીટર યોજનાનું મૂલ્યાંકન કરવામાં આવ્યું હતું. જેઓ દ્વારા વીજલાઈનોના સમારકામ, તથા માલ-સામાનની પણ સમીક્ષા કરવામાં આવી હતી.

વિજ જોડાણ માટે ના અરજદારની નવા વીજજોડાણોની અરજી પરની થતી કામગીરીની મૂલવણી કરી હતી, ઉપરાંત એચટી અને ઓદ્યોગીક વીજ જોડાણો આપવાની કામગીરીને પણ ગ્રાહકલક્ષી અભિગમ અપનાવી ઝડપી ધોરણે કરવામાં આવે તે જોવા સૂચિત કર્યું હતું.