રાજકોટ, લોધિકા અને પડધરી તાલુકાના ૧૮૦ ગામોનું વિશાળ કાર્યક્ષેત્ર ધરાવતા સૌરાષ્ટ્રના સૌથી મોટા એવા રાજકોટના બેડી માર્કેટ યાર્ડમાં સાત દિવસથી ચાલતી કમિશન એજન્ટ્સની હડતાલ અંતે સમેટાઇ જતા આજથી હરાજી સહિતના કામકાજ રાબેતા મુજબ શરૂ થઇ જતા બેડી યાર્ડ ફરી ધમધમ્યું છે.

આજે ફક્ત પડતર જથ્થાની હરરાજી કરવામાં આવી હતી

વિશેષમાં રાજકોટના બેડી માર્કેટ યાર્ડના વેપારી વર્તુળોએ જણાવ્યું હતું કે આજે ફક્ત પડતર જથ્થાની હરરાજી કરવામાં આવી હતી, જણસીઓની આવક શરૂ કરાઇ ન હતી. દરમિયાન આજે સાંજથી કે રાત્રિથી આવક શરૂ કરાશે અને આવક શરૂ કર્યા અંગે ખેડૂતોને મેસેજથી જાણ કરવામાં આવનાર છે.