એલસીબીએ પકડી મુદામાલ કબ્જે લીધો : બેની સંડોવણી ખુલી

દ્વારકા એલસબી પીઆઇ કે.કે. ગોહીલની સુચના અને માર્ગદર્શન મુજબ પીએસઆઇ બી.એમ. દેવમુરારી, પીએસઆઇ એ.એલ બારસીયા, પીએસઆઇ એસ.એસ. ચૌહાણની અલગ અલગ ટીમો બનાવી જરી વર્કઆઉટમાં હતા તેમજ ગત તા. 7-7ના રાત્રીના જામખંભાળીયા હરસિઘ્ધીનગરમાં બંધ મકાનમાં તાળા તોડી સોના, ચાંદીના દાગીના તથા રોકડાની ચોરીનો બનાવ બનેલ હોય જે ચોર મુદામાલને શોધી કાઢવા ટીમના માણસો સીસીટીવી ફુટેજ ચેક કરી ટેકનીકલ તથા હયુમાન સોર્સની જરી માહિતી મેળવી કામગીરી કરતા હતા.

દરમ્યાન એલસીબીના એએસઆઇ અરજણભાઇ મા, ભરતભાઇ ચાવડા, હેડ કોન્સ. લાખાભાઇ પીંડારીયા, દિનેશભાઇ માડમને પેટ્રોલીંગ દરમ્યાન મળેલ બાતમી હકીકત આધારે ચીખલીગર ગેંગના સભ્ય અને અગાઉ આશરે 30 જેટલા ગુનામાં પકડાયેલ આરોપી શેરસીંગ ઉર્ફે સુરજસીંગ રણજીતસીંગ ખીરચી રહે. જામનગર મહાકાળી સર્કલ વાળાને આહિર સિંહણ તરફ જતા રોડ પરથી પોતે ચોરીમાં ઉપયોગમાં લીધેલ હોન્ડા સાઇન નં. જીજે10ઇએ-9751 સાથે પકડી પાડી પુછપર કરી હતી.

દરમ્યાન આરોપી શેરસીંગ ઉર્ફે સુરજસીંગએ તેના નાનાભાઇ તથા દિકરા સાથે મળી ખંભાળીયાના હરસીઘ્ધીનગરમાં બંધ મકાનના તાળા નકુચા તોડી સોના ચાંદીના દાગીના કાનમાં પહેરવાની સોનાની બુટી 2, કિ. 34440, ચાંદીના સાંકળા 4, કિ. 3000, હોન્ડા સાઇન મોટરસાયકલ કિ. 25000, રોકડા 3000, મોબાઇલ 1, 5000 સહિત કુલ 70750ના મુદામાલ સાથે પકડી પાડી આગળની કાર્યવાહી અર્થે ખંભાળીયા પોલીસ સ્ટેશન ખાતે સોપી આપેલ છે. ખંભાળીયાનો ગુનો શોધી કાઢયો છે, હજુ વડોદરાના મનજીતસીંગ રણજીતસીંગ અને શનીસીંગ શેરસીંગ ખીરચીને પકડવાના બાકી છે.