ગારિયાધારના નાનાચારોડીયા ગામેથી રોકડ રૂ.૧૪,૪૧૦ ના મુદ્દામાલ સાથે ગંજીપત્તાના પાના-પૈસાથી હારજીતનો તીનપત્તીનો જુગાર રમતા છ શખ્સોને     ભાવનગર લોકલ ક્રાઇમ બ્રાન્ચે ઝડપી લીધા હતા.
 ભાવનગર એલ.સી.બી.ના માણસો ગારીયાધાર પોલીસ મથક વિસ્તારમાં પેટ્રોલીંગમાં હતાં.તે દરમિયાન બાતમી મળેલ કે, નાનાચારોડીયા ગામે લલીતસિંહ બળવંતસિંહ ગોહિલની માળ વિસ્તારમાં આવેલ વાડીની બાજુમાં આવેલ નેરામાં જાહેરમાં અમુક માણસો તીનપત્તીનો પૈસા પાના વતી હાર-જીતનો જુગાર રમે છે. જે બાતમી આધારે બાતમીવાળી જગ્યાએ રેઇડ કરી  ભરત ગોવીંદભાઇ દેથાણી (ઉ.વ.૪૨ રહે.મોટીવાવડી, તા.ગારીયાધાર જી.ભાવનગર), જેસીંગ સોમાભાઇ ગોહિલ (ઉ.વ.૫૫ રહે. પંચમુખી હનુમાન પાસે, પાલીતાણા રોડ, ગારીયાધાર, જી.ભાવનગર), લલીતસિંહ બળવંતસિંહ ગોહિલ (ઉ.વ.૩૯ રહે. નાના ચારોડીયા તા.ગારીયાધાર જી.ભાવનગર), બુધા નારણભાઇ સરવૈયા (ઉ.વ.૫૨ રહે.મોટી વાવડી તા.ગારીયાધાર જી.ભાવનગર), નરેન્દ્રસિંહ દિલુભા ગોહિલ (ઉ.વ.૫૫ રહે.સમઢીયાળા (મુલાણી) તા.પાલીતાણા જી.ભાવનગર)અને ભરત બાવચંદભાઇ મકવાણા (ઉ.વ.૫૭ રહે.સમઢીયાળા (મુલાણી) તા.પાલીતાણા જી.ભાવનગર)ને  ગંજીપત્તાના પાના અને રોકડ રૂ.૧૪,૪૧૦ ના મુદ્દામાલ સાથે ઝડપી લીધા હતા. આ કામગીરીમાં પોલીસ ઇન્સ. એ.આર.વાળાના  માર્ગદર્શન હેઠળ સ્ટાફના બીજલભાઇ કરમટીયા, જયદાનભાઇ લાંગાવદરા, ફાલ્ગુનસિંહ ગોહિલ અને શૈલેષભાઇ ચાવડા સહિતના જોડાયા હતા.