ચાંપા બેરાજા સીમમાં દેશી દારૂ અંગે દરોડો : એક શખ્સ ઝપટે ચડયો

જામનગરના દિ.પ્લોટ 49 અને 58 રોડ પરથી બે શખ્સોને વિદેશી દારૂની બે બોટલ સાથે પકડી પાડવામાં આવ્યા હતા, જયારે ચાંપા બેરાજા વાડી વિસ્તાર બાવળની ઝાડીમાં એક શખ્સ દેશી દારૂ અને ભઠ્ઠીના સાધનો સાથે પોલીસની ઝપટમાં આવ્યો હતો.

જામનગરના દિ.પ્લોટ 49 રોડ, નહેરુનગર શેરી નં. 5/એમાં રહેતા રાજેશ દેવજી સાગઠીયા નામના શખ્સને વિદેશી દારૂની 1 બોટલ સાથે દિ.પ્લોટ 49 રોડ પરથી સીટી-એ પોલીસે પકડી લીધો હતો.

આ ઉપરાંત જામનગરના જનતા ફાટક સર્વોદય સોસાયટી શિવમ રેસીડેન્સી ખાતે રહેતા યશ રાજેશ મહેતા નામના ઇસમને વિદેશી દારૂની 1 બોટલ લઇને નીકળતા દિ.પ્લોટ 58 ચોકમાંથી દબોચી લીધો હતો.

અન્ય દરોડામાં જામનગર તાલુકાના ચાપા બેરાજા ગામમાં રહેતા બહાદુરસિંહ મદારસિંહ જાડેજા નામના શખ્સને વાડી વિસ્તાર ચંદ્રગઢ તરફના રોડ પરથી 4 લીટર દેશી   અને 100 લીટર કાચો આથો તેમજ ભઠ્ઠીના સાધનો સાથે દબોચી લીધો હતો.