માનસીક તણાવ બાબતનું મનમાં લાગી આવતા પગલુ ભર્યુ : શોકની લાગણી

મોટી ખાવડી ટાઉનશીપ સેકટર વિસ્તારમાં રહેતી પરણીતાએ માનસીક તણાવની બિમારીના કારણે લાગી આવતા ઘઉંમાં મુકવાની ટીકડીઓ ખાઇ લેતા સારવાર દરમ્યાન તેણીનું મૃત્યુ નિપજયુ હતું, બનાવના પગલે શોકની લાગણી ફેલાઇ ગઇ હતી.
મુળ જુનાગઢના કેશોદ તાલુકાના જુથળ ગામના વતની અને હાલ રીલાયન્સ ટાઉનશીપ સેકટર-2117 એચ, મોટી ખાવડી ખાતે રહેતા સંઘ્યાબેન મેહુલભાઇ સાદરીયા (ઉ.વ.29) નામની પરિણીતાને દોઢેક વર્ષથી માનસીક તણાવની બિમારી હોય, પુરી ઉંઘ કરી શકતા ન હતા.

તેણીને ખોટા વિચારો આવતા હોય તેની દવા ચાલુ હતી તેમ છતા આ બિમારી જતી ન હોય જેના કારણે મનમાં લાગી આવતા ગઇકાલે પોતાની મેળે ઘઉંમા મુકવાની સેલફોસ નામની ટીકડીઓ ખાઇ જતા ઉલ્ટીઓ થઇ હતી આથી હેલ્થ સેન્ટરમાં સારવાર માટે લઇ જવામાં આવેલ જયાં સારવાર દરમ્યાન તેણીનું મૃત્યુ થયુ હતું આ બનાવ અંગે મેહુલ વિનોદભાઇ સાદરીયા દ્વારા મેઘપર પડાણા પોલીસમાં જાણ કરવામાં આવી હતી.