જેથી બીકના કારણે ભોગ બનનારે ઘરે કોઈને વાત કરેલ નહીં અને આરોપી બોલાવે ત્યારે ભોગ બનનાર ત્યાં જતી હોય જેથી ભોગ બનનાર સાથે આરોપીએ ત્રણ વખત બળજબરી હતી શારીરિક સંબંધ બાંધી બળાત્કાર કરેલો હોય જેથી ભોગ બનનાર ખૂબ જ ડરી ગયેલ હોય જેથી તેમના મામાના ઘરે જતી રહેલ બાદમાં આરોપીનો ફોન ભોગ બનનારના ઘરના મોબાઇલમાં આવતા ભોગ બનનારના માતા-પિતાને જાણ થતા ભોગ બનનારે ઉપરોક્ત તમામ વાત તેના માતા-પિતાને કરી હતી.

ત્યાર બાદ ભોગ બનનારે લાલપુર પોલીસ સ્ટેશનમાં બીએનએસ કલમ ૬૪ ૨ એમ ૩૫૧(૩) કલમ તથા પોકસો એકટ ૪ અને ૬ મુજબની ફરિયાદ નોંધાવી હતી. રેન્જ આઇજી અને એસપી સૈનીએ જામનગર જીલ્લામાં મહિલા અને બાળાઓ પર તથા અત્યાચારના ગુનાઓમાં ઝડપી ચાર્જશીટ કરી પ્રોસીકયુશન ચલાવવા સુચના અને જ‚રી માર્ગદર્શન આપેલ હોય જે અન્વયે લાલપુર વિભાગના મદદનીશ પોલીસ અધીક્ષક પ્રતિભાની સુચના-માર્ગદર્શન આધારે લાલપુર પીઆઇ ગળચર અને સ્ટાફ દ્વારા સચોટ તપાસ કરી પુરતા પુરાવાઓ સાથે કોર્ટમાં ચાર્જશીટ કરવામાં આવ્યુ હતું. 

જે કેસ જામનગરના સ્પેશિયલ  પોક્સો  કોર્ટમાં કેસ નંબર ૨૧/ ૨૫ થી આવતા જેમાં સરકાર તરફથી ૬ જેટલા સાક્ષીઓ  તથા ૬૨ જેટલા દસ્તાવેજી પુરાવા રજૂ કરી તેમજ સરકારી વકીલની દલીલ ગ્રાહ્ય રાખી પોક્સો કોર્ટના જજ આર.પી. મોગેરાએ આરોપી મહેન્દ્ર સોનગરાને પોકસો કલમ  ૪માં ૧૦ વર્ષની સખત કેદની સજા તથા રૂપિયા ૧૦,૦૦૦ દંડ તેમજ  પોક્સો કલમ ૬ મા ૨૦ વર્ષની સખત કેદની સજા તથા ૫૦૦૦ દંડ અને દંડ ન ભરે તો વધુ બે વર્ષની સાદી કેદની સજા તેમજ ભોગ બનનારને વળતર પેટે રૂપિયા ૪ લાખ ચૂકવવા તેવો હુકમ કરેલ છે આ કેસમાં સરકારી વકીલ તરીકે ભારતી વાદી રોકાયેલા હતા.​​​​​​​

​​​​​​​