આઈ.ટી.આઈ. જામનગર ખાતે મિકેનિકલ - ઓટોમોબાઈલ ગૃપના વિવિધ ટ્રેડ માટે પ્રવેશ પ્રક્રિયા ૨૨ સપ્ટેમ્બર ૨૦૨૬ સુધી લંબાવાઈ

જામનગર તા.૧૭, રોજગાર અને તાલીમ નિયામકની કચેરી, ગાંધીનગર હસ્તકની સરકારી ઔદ્યોગિક તાલીમ સંસ્થા જામનગર ખાતે ચાલુ શૈક્ષણિક સત્ર ૨૦૨૬-૨૭ માટે વિવિધ વ્યવસાયિક ટ્રેડમાં પ્રવેશ મેળવવા ઈચ્છુક ઉમેદવારો માટે ચોથા તબક્કાની પ્રવેશ કામગીરી પૂર્ણ થયા બાદ, આઈ.ટી.આઈ. – જામનગરમાં મિકેનિકલ - ઓટોમોબાઈલ ગ્રૂપના વિવિધ ટ્રેડ જેવા કે મશીનિસ્ટ, ડ્રાફ્ટમેન મિકેનિકલ, ટર્નર, MTTW વગેરેમાં ખાલી રહેલ જુજ બેઠકો ભરવા માટે ફોર્મ ભરવાની છેલ્લી તારીખ લંબાવીને તા. ૨૨/૦૯/૨૦૨૬ કરવામાં આવી છે. આ પ્રવેશ પ્રક્રિયા સંપૂર્ણપણે 'વહેલા તે પહેલા' ના ધોરણે હાથ ધરવામાં આવી રહી છે.