જામનગર: દિવાળી તહેવારો નિમિત્તે હંગામી ફટાકડા પરવાના મેળવવા માટે અરજી મંગાવાઈ

જામનગર શહેર, લાલપુર તથા જામજોધપુર તાલુકા માટે તા.૧૯/૧૦/૨૦૨૬ સુધીમાં અરજી કરવાની રહેશે

જામનગર તા.૨૩, આગામી દિવાળી અને નૂતન વર્ષના તહેવારોને અનુલક્ષીને જામનગર શહેર, લાલપુર તેમજ જામજોધપુર તાલુકા વિસ્તારમાં હંગામી ધોરણે મર્યાદિત જથ્થામાં ફટાકડા સંગ્રહ અને વેચાણ કરવા માટે લાયસન્સ મેળવવા ઈચ્છુક વ્યક્તિઓ પાસેથી નિયત નમૂનામાં અરજીઓ મંગાવવામાં આવી છે.

આ માટે જરૂરી આધાર-પુરાવાઓ સાથેની અરજી ફોર્મ સંબંધિત કચેરી ખાતે રજૂ કરવાના રહેશે.જામનગર શહેર માટે પ્રાંત અધિકારી અને સબ ડિવિઝનલ મેજિસ્ટ્રેટ, જામનગર (શહેર) ની કચેરી, મેજી શાખા ખાતે તેમજ મામલતદાર કચેરી લાલપુર તથા જામજોધપુર ખાતે અરજી ફોર્મ ઉપલબ્ધ રહેશે.

અરજીઓ તા. ૧૯/૧૦/૨૦૨૬ સુધીમાં જરૂરી આધાર-પુરાવા સાથે રજૂ કરવાની રહેશે. તા. ૧૯/૧૦/૨૦૨૬ પછી મળેલ કોઈપણ અરજી કોઈ પણ સંજોગોમાં વિચારણામાં લેવામાં આવશે નહીં. આ જાહેર ખબર બાદ દિવાળી તહેવારની ઉજવણી અંગે સરકાર દ્વારા બહાર પાડવામાં આવનાર કોઈ પણ નવી માર્ગદર્શિકા આખરી ગણાશે. નિયત સમયમર્યાદામાં મળેલી અરજીઓ પર નિયમોનુસાર તપાસનીશ અધિકારીઓના અભિપ્રાય મેળવીને આગળની પરવાના મંજૂરીની કાર્યવાહી હાથ ધરવામાં આવશે તેમ સબ ડિવિઝનલ મેજિસ્ટ્રેટ, જામનગર શહેર તથા લાલપુરની યાદીમાં જણાવાયું છે.