જામનગરની જાહેર જનતાને આથી માહિતગાર કરવામાં આવે છે કે આગામી તારીખ ૧૭ સપ્ટેમ્બરના રોજ શહેરના હાર્દસમા ઐતિહાસિક રણમલ તળાવ ખાતે 'આશીર્વાદનો દીવો' કાર્યક્રમનું વિશેષ આયોજન કરવામાં આવ્યું છે.

આ કાર્યક્રમમાં બહોળી સંખ્યામાં શહેરીજનો સહભાગી થઈ શકે અને આ પવિત્ર અવસરનો લાભ લઈ શકે તે આશયથી મહાનગરપાલિકા દ્વારા તારીખ ૧૭ સપ્ટેમ્બરના રોજ સાંજે ૫:૦૦ વાગ્યાથી રાત્રિના ૯:૦૦ વાગ્યા સુધી રણમલ તળાવ પરિસરમાં તમામ નાગરિકો માટે પ્રવેશ તદ્દન વિનામૂલ્યે (ફ્રી) રાખવાનો જનહિતલક્ષી નિર્ણય લેવામાં આવ્યો છે.
​​​​​​​

આથી, ઉપરોક્ત સમયગાળા દરમિયાન રણમલ તળાવની મુલાકાત લેનાર કોઈપણ નાગરિક પાસેથી એન્ટ્રી ફી વસૂલવામાં આવશે નહીં જેની સર્વે નાગરિકોએ નોંધ લેવી. તમામ નગરજનોને આ વ્યવસ્થાનો લાભ લેવા અને પરિવાર સહ કાર્યક્રમમાં ઉપસ્થિત રહેવા અપીલ કરવામાં આવે છે.