ભરણપોષણ રદ કરવાની અરજી નામંજૂર કરતી ખંભાળીયા ફેમિલી કોર્ટ

સલાયાના રહીશ હુસેન ઓસમાણ ચાકીના લગ્ન શહેનાઝ હુસેન ચાકી સાથે આશરે ૧૫ વર્ષ પહેલા સલાયા મુકામે થયેલ હતા ત્યારબાદ શહેનાઝ બેન ને તેના પતિ તથા સાસરીયા પક્ષના તેણીને લગ્ન દરમિયાન હેરાન પરેશાન કરી માનસિક શારીરિક દુ:ખ ત્રાસ આપી કાઢી મુકેલ હતા જેથી તેણે તેના પતિ હુસેન સામે ખંભાળિયા કોર્ટમાં ભરણપોષણ ની અરજી કરેલ હતી જે ભરણ પોષણ ૧૭-૧૧- ૨૦૧૭ ના રોજ દર માસે રુ. ૨૫૦૦/- મંજૂર થયેલ તેમજ ડોમેસ્ટિક વાયોલન્સ એક્ટ હેઠળ પણ અરજી કરતા ભરણપોષણ મંજુર થયેલ હતું અને બંને કેસમાં લાંબો સમયથી ભરણપોષણ મેળવતા હોય તથા લાંબા સમયથી પતિ-પત્ની અલગ રહેતા હોય અને પત્ની શહેનાઝ બેન ઘર ચલાવવા તૈયાર ન હોય અને તેણીના પતિ લામ્બા સમય થી ભરણપોષણ ચૂકવતા હોય એવા કારણસર શહેનાઝ બેનના પતિએ ફેમિલી કોર્ટમાં ભરણપોષણ રદ કરવાની અરજી કરતાં ગુણદોષ તથા પુરાવાના આધારે  ફેમિલી કોર્ટ અરજદારના પતિની ભરણપોષણ રદ કરવાની અરજી નામંજૂર કરેલ છે, આ કામમા સામાવાળા તરફે એડવોકેટ જીતેન્દ્ર કે હિંડોચા તથા અભિષેક એન. ધ્રુવ એડવોકેટ રોકાયા હતા.