દ્વારકાના કુરંગા ગામ નજીક ઈજાગ્રસ્ત હાલતમાં યુવાનનો મૃતદેહ સાંપડ્યો

પોલીસ દ્વારા મૃતકના વાલી-વારસની શોધખોળ

દ્વારકા-પોરબંદર માર્ગ પર કુરંગા ગામ નજીક આવેલા સીએનજી પમ્પ પાસેથી ગત તારીખ ૧૫ના રોજ આશરે ૩૫ થી ૪૦ વર્ષના એક અજાણ્યા યુવાનને માથાના ભાગે ગંભીર ઈજાઓ થયેલી હાલતમાં મૃતદેહ મળી આવ્યો હતો. મૃતકને ગંભીર ઈજાઓ થવાના કારણે માથામાંથી તથા કાનમાંથી લોહી નીકળતા તેમનું મૃત્યુ નીપજ્યું હોવાનું ખુલવા પામ્યું હતું.

આ મૃતદેહને દ્વારકાની સરકારી હોસ્પિટલ ખાતે ખસેડવામાં આવ્યો હતો. જ્યાં તેનું પોસ્ટમોર્ટમ કરવામાં આવ્યું હતું. મૃતકની છાતીમાં ડાબી બાજુ રામ લખેલું છે. તેમના ડાબા ગાલ પર મસાનું નિશાન છે. ઉપરોક્ત મૃતદેહને હાલ કોલ્ડ રૂમમાં સાચવીને રાખવામાં આવ્યો છે.
​​​​​​​
આ અજાણ્યા પુરુષના વાલી- વરસે દ્વારકાના પોલીસ સ્ટેશનના ફોન નંબર ૦૨૮૯૨-૨૩૪૫૨૩ અથવા તપાસનીસ એ.એસ.આઈ. ડી.જે. જાડેજા (મો. ૮૧૨૮૩ ૧૨૭૨૧) નો સંપર્ક સાધવા એક યાદીમાં જણાવાયું છે.