જામનગર: કાલાવડ હાઇવે પર ટેન્કરે એકટીવાને હડફેટે લેતા માતા-પુત્રીને ઇજા

June 08, 2026 11:50 AM

જામનગર: કાલાવડ હાઇવે પર ટેન્કરે એકટીવાને હડફેટે લેતા માતા-પુત્રીને ઇજા

ઇજાગ્રસ્તોને સારવારમાં ખસેડાયા : ટેન્કરચાલક સામે ફરીયાદ

કાલાવડ-જામનગર હાઇવે રોડ પર શ્રીજી કોટેક્સ કારખાના નજીક સર્જાયેલા ગંભીર માર્ગ અકસ્માતમાં એક્ટિવા પર સવાર મહિલા અને તેની પુત્રી ગંભીર રીતે ઇજાગ્રસ્ત બનતાં કાલાવડ ટાઉન પોલીસ સ્ટેશનમાં ટેન્કર ચાલક વિરુદ્ધ ગુનો નોંધવામાં આવ્યો છે.

મળતી માહિતી મુજબ તા. ૦૫/૦૬/૨૦૨૬ના રોજ રાત્રે આશરે ૯:૩૦ વાગ્યે અશોક લેલેન્ડ ટેન્કર નં. જી.જે. -૧૧ વી.વી. ૩૬૫૧ નો ચાલક પોતાના વાહનને પૂરઝડપે અને બેદરકારીપૂર્વક હંકારી રહ્યો હતો. દરમિયાન તેણે સામે તરફથી આવી રહેલા એક્ટિવા નં. જી.જે. ૧૦ ઇ.ડી. ૦૬૯૬ ને ટક્કર મારી હતી.

આ અકસ્માતમાં એક્ટિવા પર સવાર રીનાબેન કલ્પેશભાઈ બોસમિયા (ઉંમર ૪૫ વર્ષ)ને માથા, કમર, ફેફસાં અને શરીરના અન્ય ભાગોમાં ગંભીર ઇજાઓ પહોંચી હતી. જ્યારે એક્ટિવા ચલાવતી હેતવીબેન કલ્પેશભાઈ બોસમિયાને મોઢા, કપાળ તથા પગના ભાગે ગંભીર ઇજાઓ પહોંચી હતી અને તેમનો જમણો પગ ફ્રેક્ચર થયો હતો.

આ બનાવ અંગે વીમલભાઈ પ્રાણજીવનભાઈ બોસમિયાની ફરિયાદના આધારે કાલાવડ ટાઉન પોલીસ સ્ટેશનમાં ભારતીય ન્યાય સંહિતાની કલમ ૨૮૧, ૧૨૫(એ), ૧૨૫(બી) તથા મોટર વાહન અધિનિયમની કલમ ૧૭૭ અને ૧૮૪ મુજબ ગુનો નોંધવામાં આવ્યો છે. પોલીસે ટેન્કર ચાલક વિરુદ્ધ વધુ તપાસ હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application

જામનગર: કાલાવડ હાઇવે પર ટેન્કરે એકટીવાને હડફેટે લેતા માતા-પુત્રીને ઇજા

Recent News

Gujarat's No. 1 evening newspaper