ભાણવડ પંથકમાં એક મહિનામાં ૧૩૬ જેટલા સરીસૃપોનું રેસ્કયુ કરાયું

​​​​​​​ભાણવડ પંથકમાં એનિમલ લવર્સ ચેરિટેબલ ટ્રસ્ટના રેસ્ક્યુઅર્સ અને વન વિભાગના સરાહનીય સહયોગથી સપ્ટેમ્બર ૨૦૨૬ દરમિયાન કુલ ૧૩૬ સરીસૃપોનું સફળતાપૂર્વક રેસ્ક્યુ કરવામાં આવ્યું છે.  સપ્ટેમ્બર ૨૦૨૫ ની સરખામણીએ આ વર્ષે સપ્ટેમ્બરમાં અજગર (૨૪) અને ખાસ કરીને મગર (૯) ના રેસ્ક્યુમાં નોંધપાત્ર વધારો જોવા મળ્યો છે, જેનું મુખ્ય કારણ પૂરતો વરસાદ ન પડવાને લીધે કુદરતી પાણીના સ્ત્રોતો ખાલી થતાં આ જીવોનું માનવ વસાહતો તરફ પ્રયાણ ગણાવવામાં આવી રહ્યું છે.  આ રેસ્ક્યુ કામગીરીમાં ૪૪ નાગ, ૪ ખળ ચિતળ, ૩૧ ધામણ, ૮ જળસાપ, ૪ ‚પસુંદરી, ૩ તાંબાપિઠ, ૨ કાળોતરો, ૨ પિત પટીત, તેમજ ૧-૧ વ‚દંતી, ઘઉંલો, દરઘોઈ, બિલ્લી સાપ અને શ્યામશિર સાપનો પણ સમાવેશ થાય છે. આ સમગ્ર રેસ્ક્યુ ઓપરેશનમાં એનિમલ લવર્સ ટ્રસ્ટના મુખ્ય રેસ્ક્યુઅર અશોકભાઈ ભટ્ટ, મેરામણ ભાઈ, વિજય ખૂંટી, દૂદા ભાઈ, અનિલ પરમાર, ધવલ સોનગરા, અક્ષય સૂચક, હરીશ વાઘેલા તેમજ વન વિભાગના લક્ષેશ વાણિયાએ પોતાના જીવના જોખમે પ્રશંસનીય કામગીરી કરી હતી. રેસ્ક્યુ કરાયેલા તમામ સરીસૃપોને વન વિભાગના આર.એફ.ઓ. ભેસાણીયાના માર્ગદર્શન હેઠળ સુરક્ષિત રીતે બરડા પ્રાકૃતિક આવાસ (કુદરતી વાતાવરણ) માં મુક્ત કરવામાં આવ્યા હતા.  વન વિભાગ અને એનિમલ લવર્સ ટીમ વચ્ચેના આ શ્રેષ્ઠ તાલમેલથી અનેક મુક જીવોના જીવ બચાવવા શક્ય બન્યા છે.