જામનગર: રાંદલનગરમાં વિદેશી દારૂના ૧૦ ચપલા સાથે શખ્સ પકડાયો

મીઠીવીરડી વિસ્તારના રીક્ષાચાલકની દારૂની બાટલી સાથે અટકાયત

જામનગરના રાંદલનગર વિસ્તારમાં એક શખ્સને ઇંગ્લીશ દારૂના ૧૦ ચપલા સાથે સીટી-બી પોલીસે પકડી લીધો હતો અને મીઠી વીરડી વિસ્તારમાં રહેતા રીક્ષા ડ્રાઇવરને દારૂની બોટલ સાથે કાલાવડ ટાઉન પોલીસે દબોચી લીધો હતો.

જામનગરના રાંદલનગર મઢુલી પાસે રહેતા રાજદીપસિંહ દશરથસિંહ જાડેજા નામના શખ્સને ઇંગ્લીશ દારૂના ૧૦ ચપલા સાથે આ વિસ્તારમાંથી સીટી-બી પોલીસે પકડી લીધો હતો. 

બીજા દરોડામાં કાલાવડના મીઠીવીરડી વિસ્તારમાં રહેતા રીક્ષા ડ્રાઇવર રવિ બટુક મકવાણા નામના શખ્સને ઇંગ્લીશ દારૂ ૫૦૦ એમએલ બોટલ સાથે કાલાવડના ખોડીયારપરા, ઇંટોના ભઠ્ઠા નજીક પુલ પાસેથી સ્થાનીક પોલીસે દબોચી લઇ કાયદેસરની કાર્યવાહી કરી હતી.