જામનગરના ગાંધીનગર રોડ પર ગોળાઇ પાસે કપડા લેવાના મામલે ડખ્ખો થયો હતો જેમાં એક યુવાનને છરી અને ઢીકાપાટુ વડે ઇજા પહોચાડી ધમકી દીધાની ૩ શખ્સ સામે ફરીયાદ કરવામાં આવી છે. 
જામનગરના બેડેશ્ર્વર કાંતી ઓઇલ મીલ પાછળ રહેતા, મજુરી કામ કરતા રમઝાન ઉર્ફે અસલમભાઇ અકબરભાઇ ખુરેશી (ઉ.વ.૪૩)એ ગઇકાલે સીટી-બી ડીવીઝનમાં જામનગરના વનરાજસિંહ વાળા અને બે અજાણ્યા ઇસમો સામે માર મારીને ધમકી દીધાની ફરીયાદ નોંધાવી હતી. 
રમઝાન ઇદના તહેવારમાં બે જોડી કપડા લઇ આપવાનું કહયુ હતું અને એ પછી જણાવેલ સ્થળે કપડા લેવા જતા અવાર નવાર ફોન કરતા હોય જે ફોન ઉપાડેલ નહી અને બાદમાં આરોપી વનરાજે ફરીયાદીને ફોન કરી જેમ તેમ અપશબ્દો બોલી અને ફરીયાદીને ગાંધીનગર રોડ ગોળાઇ પાસે બોલાવી ગાળો આપી, આરોપી વનરાજસિંહએ છરી કાઢીને હુમલો કરી દઇ ફરીયાદીને ગાલના ભાગે ઘા ઝીંકી દીધો હતો તેમજ એક અજાણ્યા ઇસમે તેની પાસે રહેલી છરી વડે એક ઘા ફરીયાદી રમઝાનભાઇને પેટના ભાગે મારતા તેઓ પડી ગયા હતા અને એક અજાણ્યા શખ્સે ઢીકાપાટુનો માર માર્યો હતો. 
ફરીયાદીને માર મારી જાનથી મારી નાખવાની ધમકી આપી ત્રણેય આરોપીઓએ એકબીજાને મદદગારી કરી હતી, ઇજાગ્રસ્ત યુવાનને સારવાર માટે ખસેડવામાં આવ્યો હતો. આ અંગેની તપાસ પીએસઆઇ રાજ ચલાવી રહયા છે.