જામનગરમાં માઁ આદ્યશકિતની આરધનાના નવરાત્રી પર્વની તૈયારીઓને આખરી ઓપ

છોટીકાશી જામનગરમાં માં આધશકિતની આરાધનાના નવરાત્રી પર્વની તૈયારીઓને આખરી ઓપ આપવામાં આવી રહ્યો છે. શહેરમાં પ્રાચીન ગરબીઓમાં સ્ટેજ, મંડપ, એરીના, બેઠક સહીતની વ્યવસ્થાઓની તૈયારી પૂરજોશમાં ચાલી રહી છે.ગરબી મંડળો દ્વારા સ્ટેજ તથા એરીનામાં રોશનીના અવનવા શણગાર કરવામાં આવ્યા છે.  પ્રાચીનની સાથે અર્વાચીન રાસોત્સવના સંચાલકો દ્વારા પણ હાયફાય સાઉન્ડ સીસ્ટમ સાથે મેદાનની સજાવટ કરવામાં આવી રહી છે. રવિવારથી નવલા નોરતાનો પ્રારંભ થઇ રહ્યો હોય પ્રાચીન ગરબીઓ આર્કષણનું કેન્દ્ર બનશે તો અર્વાચીન રાસોત્સવમાં ખૈલાયાઓ રાસ-ગરબાની મોજ માણશે.