આજે પાકિસ્તાને ફરી નાપાક હરકત કરી હતી. ઉત્તર કાશ્મીરના કુપવાડામાં કેરન સેક્ટરના જોધા મકાન બિરંદોરી વિસ્તાર નજીક લગભગ 15 પાકિસ્તાની ડ્રોન ઉડતા જોવા મળ્યા હતા, જેના પગલે સેનાના જવાનોએ ઝડપી કાર્યવાહી કરી કારણ કે આ ડ્રોન ભારતીય ક્ષેત્રમાં ઘૂસણખોરી કરી રહ્યા હતા.

સૂત્રોએ જણાવ્યું હતું કે ભારતીય સેવાની 06 રાષ્ટ્રીય રાઇફલ્સના સૈનિકોએ પાકિસ્તાની ડ્રોનને ભારતીય હવાઈ ક્ષેત્રમાં પ્રવેશતા જોયા અને તેમના પર ગોળીબાર કર્યો. ભારતીય સૈનિકો દ્વારા ગોળીબાર બાદ, આ ડ્રોન તરત જ તેમના ક્ષેત્રમાં પાછા ફર્યા હતા.

અધિકારીઓએ જણાવ્યું હતું કે આ ઘટનામાં કોઈ જાનહાનિ કે ઈજા થઈ નથી. પરિસ્થિતિ પર નજીકથી નજર રાખવામાં આવી રહી છે અને વિસ્તારમાં સુરક્ષા વધારી દેવામાં આવી છે. કુપવાડામાં પાકિસ્તાની ડ્રોન ઘૂસણખોરી અંગે સંરક્ષણ મંત્રાલયે હજુ સુધી કોઈ સત્તાવાર નિવેદન જારી કર્યું નથી.