અમેરિકા અને ઈરાન બે અઠવાડિયાના યુદ્ધવિરામ માટે સંમત થયા છે, પરંતુ યુદ્ધવિરામ દરમિયાન પણ લેબનોન પર ઇઝરાયેલના હુમલા ચાલુ છે. અધિકારીઓના જણાવ્યા અનુસાર, આ હુમલાઓમાં 254 લોકો માર્યા ગયા છે અને 1,165થી વધુ ઘાયલ થયા છે. આ હુમલામાં એક લેબનીઝ ઇમામનું પણ મોત થયું છે. ઇઝરાયેલી વડા પ્રધાન બેન્જામિન નેતન્યાહૂએ જણાવ્યું હતું કે લેબનોન યુદ્ધવિરામમાં સામેલ થશે નહીં. બીજી તરખ ઈરાનના વિદેશ મંત્રી અબ્બાસ અરાઘચીએ લેબનોન પર હુમલા બંધ કરવા સામે ચેતવણી આપી છે. તેમણે એમ પણ ઉમેર્યું હતું કે જો લેબનોન પર હુમલા બંધ નહીં થાય તો ઈરાન યુદ્ધવિરામ કરાર રદ કરશે. સોશિયલ મીડિયા પ્લેટફોર્મ એક્સ પર એક પોસ્ટમાં તેમણે લખ્યું, ઈરાન-અમેરિકા યુદ્ધવિરામની શરતો સ્પષ્ટ છે. અમેરિકાએ તો યુદ્ધવિરામ પસંદ કરવો જોઈએ અથવા ઇઝરાયેલ દ્વારા યુદ્ધ ચાલુ રાખવું જોઈએ. તે બંને પસંદ કરી શકતું નથી. લેબનોન પર ઇઝરાયેલના તીવ્ર હુમલાઓ બાદ, ઇરાને હોર્મુઝ સ્ટ્રેટ અંગે એક મોટો નિર્ણય લીધો છે. સ્થાનિક મીડિયા અનુસાર, બદલામાં તેણે હોર્મુઝ સ્ટ્રેટમાંથી તેલ ટેન્કરોનો માર્ગ અવરોધિત કર્યો છે. દરમિયાન, હિઝબુલ્લાહે ચેતવણી આપી છે કે જો લેબનોનને યુદ્ધવિરામમાં સામેલ કરવામાં નહીં આવે તો કરાર તૂટી શકે છે. સંગઠનનું કહેવું છે કે જો ઇઝરાયેલ તેના હુમલા ચાલુ રાખશે તો તે જવાબ આપશે. બ્રિટિશ અખબાર અનુસાર, અનેક શિપિંગ સ્ત્રોતોને ટાંકીને ઈરાની નૌકાદળે તેહરાનની પરવાનગી વિના હોર્મુઝ સ્ટ્રેટમાંથી પસાર થવાનો પ્રયાસ કરતા જહાજોને નષ્ટ કરવાની ધમકી આપી છે, અને એમ પણ કહ્યું છે કે જળમાર્ગ દ્વારા પરિવહન બંધ રહેશે. સંદેશમાં કહેવામાં આવ્યું છે કે, સમુદ્રમાં પ્રવેશવાનો પ્રયાસ કરનાર કોઈપણ જહાજને નિશાન બનાવવામાં આવશે અને તેનો નાશ કરવામાં આવશે. ઈરાનની ન્યૂઝ એજન્સીના અહેવાલ મુજબ, લેબનોનમાં ઇઝરાયેલી હુમલાઓના જવાબમાં ઈરાને હોર્મુઝ સ્ટ્રેટમાંથી તેલ ટેન્કરોનો માર્ગ અવરોધિત કર્યો છે. ઈરાન અને અમેરિકા વચ્ચે યુદ્ધવિરામ અમલમાં આવ્યા બાદ સવારે (8 એપ્રિલ) બે તેલ ટેન્કરોને સ્ટ્રેટમાંથી પસાર થવાની મંજૂરી આપવામાં આવી હતી તેવો ન્યૂઝ એજન્સીએ અહેવાલ આપ્યો છે. લેબનોન પર ઇઝરાયેલી હુમલાઓના જવાબમાં હોર્મુઝ સ્ટ્રેટમાંથી તેલ ટેન્કરોનો માર્ગ અવરોધિત કરવામાં આવ્યો છે. દરમિયાન, ઇઝરાયેલના સંરક્ષણ પ્રધાન ઇઝરાયલ કાત્ઝે લેબનોન પર આશ્ચર્યજનક હુમલાની વિગતો આપતું એક વીડિયો નિવેદન બહાર પાડ્યું છે. કાત્ઝે કહ્યું કે લશ્કરે બુધવારે લેબનોનમાં સેંકડો હિઝબુલ્લાહ સભ્યોને નિશાન બનાવ્યા હતા. કાત્ઝે કહ્યું, આઇડીએફ એ લેબનોનમાં કમાન્ડ સેન્ટરો પર સેંકડો હિઝબુલ્લાહ લડવૈયાઓ પર અચાનક હુમલો કર્યો હતો. ઓપરેશન બીપર્સ પછી હિઝબુલ્લાહ માટે આ સૌથી મોટો ફટકો છે. બીપર્સ એ 2024માં ઇઝરાયેલે હિઝબુલ્લાહ સામે પેજર બોમ્બ હુમલો કર્યો હતો. અમેરિકા-ઈરાન સંઘર્ષ વચ્ચે પાકિસ્તાને પોતાને શાંતિ નિર્માતા તરીકે દર્શાવવાનો પ્રયાસ કર્યો, પરંતુ એવું લાગે છે કે આ પ્રસ્તાવ બીજે ક્યાંક લખાયો હતો. એક અહેવાલ મુજબ, વ્હાઇટ હાઉસે પાકિસ્તાન પર ઈરાન સાથે કામચલાઉ યુદ્ધવિરામ માટે દબાણ કર્યું હતું. અહેવાલો સૂચવે છે કે અમેરિકા, પાકિસ્તાન દ્વારા ઈરાન સાથે યુદ્ધવિરામ કરવા માંગતું હતું અને લાંબા સમયથી આ માટે ઈસ્લામાબાદ પર દબાણ કરી રહ્યું હતું. જોકે, આ બાબતે કોઈ સત્તાવાર નિવેદન બહાર પાડવામાં આવ્યું નથી. કરાર પછી હોર્મુઝ સ્ટ્રેટ ખોલવામાં આવ્યો હતો, પરંતુ ઈરાને લેબનોન પર ઈઝરાયેલના હુમલા પછી તેને ફરીથી બંધ કરી દીધો હતો. અઠવાડિયાથી, યુએસ રાષ્ટ્રપતિ ડોનાલ્ડ ટ્રમ્પનું વહીવટીતંત્ર ઈરાનને મનાવવા માટે ઈસ્લામાબાદ પર દબાણ કરી રહ્યું હતું. પાકિસ્તાનના લશ્કરી વડા, ફિલ્ડ માર્શલ અસીમ મુનીરની આગેવાની હેઠળની બેક-ચેનલ વાટાઘાટો બાદ, ત્રણેય દેશો બે અઠવાડિયાના યુદ્ધવિરામ માટે સંમત થયા હતા. મંગળવારે ટ્રમ્પની સમયમર્યાદા નજીક આવતાં, મુનીરે ટોચના અમેરિકી અધિકારીઓનો સંપર્ક કર્યો હતો. જોકે, આ પ્રયાસથી પાકિસ્તાનની ભૂમિકા પર ગંભીર પ્રશ્નો ઉભા થયા છે. તે અમેરિકા માટે એક અનુકૂળ માધ્યમ હોય તેવું લાગે છે, નિષ્પક્ષ મધ્યસ્થી તરીકે નહીં. જ્યારે અમેરિકાએ ઈરાન સામે પોતાનું વલણ કડક બનાવ્યું, ત્યારે પાકિસ્તાને પોતાને મધ્યસ્થી તરીકે વધુને વધુ સ્થાન આપ્યું છે. જોકે, તેના પ્રસ્તાવો સ્વતંત્ર અથવા સંતુલિત શાંતિ પહેલને બદલે યુએસ વ્યૂહાત્મક હિતોને પ્રતિબિંબિત કરે છે. એવું માનવામાં આવે છે કે ટ્રમ્પ વહીવટીતંત્રે પાકિસ્તાન પર દબાણ કર્યું હતું કે ઈરાનને લડાઈમાં યુદ્ધવિરામ સ્વીકારવા માટે સમજાવે. આ પ્રસ્તાવનું મુખ્ય ધ્યાન હોર્મુઝ સ્ટ્રેટને ફરીથી ખોલવાનું છે, જે વૈશ્વિક તેલ પુરવઠા માટે મહત્વપૂર્ણ છે. આ સમગ્ર પ્રક્રિયામાં પાકિસ્તાનની ભૂમિકા એ હતી કે તેણે કરારને મુસ્લિમ બહુમતી ધરાવતા દેશના પ્રસ્તાવ તરીકે રજૂ કર્યો, જેનાથી તેહરાન માટે તેને સ્વીકારવાનું પ્રમાણમાં સરળ બન્યું હતું. આ બેક-ચેનલ પ્રયાસનું નેતૃત્વ મોટાભાગે પાકિસ્તાનના આર્મી ચીફ અસીમ મુનીર દ્વારા કરવામાં આવ્યું હતું, જેમણે ટ્રમ્પ વહીવટીતંત્ર સાથે ઘણી તાત્કાલિક વાતચીત કરી હતી. આ સંપર્કોમાં ડોનાલ્ડ ટ્રમ્પ, ઉપરાષ્ટ્રપતિ જે.ડી. વાન્સ અને રાજદૂત સ્ટીવ વિટકોફનો સમાવેશ થતો હતો. વોશિંગ્ટન તેલના વધતા ભાવોને નિયંત્રિત કરવાનો પ્રયાસ કરી રહ્યું હતું, સાથે સાથે લાંબા સંઘર્ષને ટાળવાનો પણ પ્રયાસ કરી રહ્યું હતું. અહેવાલો અનુસાર, અમેરિકા અને પાકિસ્તાન માનતા હતા કે જો મુસ્લિમ બહુમતી ધરાવતા દેશ દ્વારા અમેરિકા રજૂ કરવામાં આવે તો ઈરાનની ઓફર સ્વીકારવાની શક્યતા વધી જશે. આ પછી, વડા પ્રધાન શાહબાઝ શરીફે શુક્રવારે ઇસ્લામાબાદમાં બંને દેશોને વાટાઘાટો માટે આમંત્રણ આપ્યું હતું. વ્હાઇટ હાઉસે જણાવ્યું છે કે જે.ડી. વાન્સ વાટાઘાટો માટે પાકિસ્તાનનો પ્રવાસ કરશે.