કરાચીમાં થયેલા આતંકવાદી હુમલાનો બદલો લેવા માટે પાકિસ્તાને 12:30 વાગ્યે ત્રણ અફઘાન પ્રાંતો પર હવાઈ હુમલો કર્યો. પાકિસ્તાની સરકારે દાવો કર્યો હતો કે તેણે આતંકવાદી સંગઠનો તહરીક-એ-તાલિબાન અને જમાત-ઉલ-અહરારના ઠેકાણાઓને નિશાન બનાવ્યા હતા. જોકે, અફઘાનિસ્તાનમાંથી મળેલી તસવીરો ફરી એકવાર સાબિત કરે છે કે પાકિસ્તાને હંમેશની જેમ નાગરિક લક્ષ્યોને નિશાન બનાવ્યા, જેમાં 35 થી વધુ લોકો માર્યા ગયા અને 100 થી વધુ ઘાયલ થયા. મૃતકોમાં નાના બાળકોનો પણ સામેલ હોઈ તાલીબાન સરકાર આકરા પાણીએ છે. તાલીબાન સરકારે હુમલાને બર્બરતા પૂર્ણ કૃત્ય ગણાવી મુનીર અને શાહબાઝ શરીફની ઝાટકણી કાઢી હતી અને કહ્યું કે અમે આ કૃત્યની સખત શબ્દોમાં નિંદા કરીએ છીએ, આવા ગુનાહિત કાર્યો ચાલવી નહી લેવાય. રવિવારે રાત્રે કરવામાં આવેલા હુમલાઓમાં અફઘાનિસ્તાનમાં ઓછામાં ઓછા 35 લોકોએ જીવ ગુમાવ્યા છે. પાકિસ્તાની સેનાએ અગાઉ 29 લડવૈયાઓને માર્યા હોવાનો દાવો કર્યો હતો, પરંતુ અફઘાનિસ્તાને જણાવ્યું છે કે પીડિતો નાના બાળકો સહિત 35 નાગરિકો હતા.

અફઘાન તાલિબાન સરકારના પ્રવક્તા, ઝબીઉલ્લાહ મુજાહિદે જણાવ્યું હતું કે પાકિસ્તાની સેનાએ પક્તિકા પ્રાંતના ગ્યાન અને સમકાની જિલ્લાઓ અને કુનાર પ્રાંતના મારાવારા જિલ્લામાં નાગરિકોને નિશાન બનાવ્યા હતા અને મહિલાઓ અને બાળકોની હત્યા કરી હતી. તેમણે આ હુમલાઓની નિંદા કરી હતી, તેમને પાકિસ્તાની સેના દ્વારા ગુનાહિત કૃત્યો ગણાવ્યા હતા. ઝબીઉલ્લાહએ લખ્યું હતું કે પાકિસ્તાની સેનાએ ફરી એકવાર અફઘાનિસ્તાનના પક્તિકા અને કુનાર પ્રાંતમાં નાગરિક વિસ્તારો પર હવાઈ હુમલા કર્યા હતા. અમે નાગરિકોને નિશાન બનાવવાની આ ઘટનાની સખત નિંદા કરીએ છીએ અને તેને ગુનો અને બર્બર કૃત્ય માનીએ છીએ.

પાકિસ્તાની સેનાએ કહ્યું આ વળતો જવાબ હતો

પાકિસ્તાને અગાઉ જણાવ્યું હતું કે તેની સેનાએ અફઘાન સરહદ પર ભૂમિ કાર્યવાહી અને હવાઈ હુમલામાં ટીટીપીના ઠેકાણાઓને નિશાન બનાવ્યા હતા, જેમાં 29 લડવૈયાઓ માર્યા ગયા હતા. પાકિસ્તાનના માહિતી મંત્રી અત્તાઉલ્લાહ તરારએ જણાવ્યું હતું કે આ કાર્યવાહી શનિવારે કરાચીમાં અર્ધલશ્કરી રેન્જર્સના પ્રાદેશિક મુખ્યાલય પર થયેલા હુમલાનો જવાબ હતો.પાકિસ્તાન દ્વારા કરવામાં આવેલા આ હુમલાથી બંને દેશો વચ્ચે તણાવ વધી ગયો છે. ગયા વર્ષે ઓક્ટોબરથી પાકિસ્તાને અફઘાનિસ્તાનમાં અનેક હવાઈ હુમલા કર્યા છે. પાકિસ્તાને ટીટીપી અને તેના સહયોગીઓના ઠેકાણાઓને નિશાન બનાવવાનો દાવો કર્યો છે, અને આ જૂથોને તેની ધરતી પર હિંસા ફેલાવવા માટે જવાબદાર ઠેરવ્યા છે. દરમિયાન, અફઘાન તાલિબાનનો દાવો છે કે પાકિસ્તાન કોઈ આતંકવાદી જૂથને નહીં પરંતુ નિર્દોષ લોકોને મારી રહ્યું છે.

અફઘાનિસ્તાનમાં હવાઈ હુમલા ક્યાં થયા?

ભારતીય સમય મુજબ રાત્રે ૧૨:૩૦ વાગ્યે, પાકિસ્તાની વાયુસેનાએ પક્તિકા પ્રાંતના ગિયાન વિસ્તાર, પક્તિકા પ્રાંતના ચમકાની અને કુનાર પ્રાંતના મારવાડામાં રહેણાંક ઘરો અને મસ્જિદોને નિશાન બનાવ્યા. પહેલા હુમલા પછી, જ્યારે લોકો પીડિતોને મદદ કરવા દોડી આવ્યા, ત્યારે પાકિસ્તાની વાયુસેનાએ ફરી એકવાર રાત્રે ૧૨:૫૫ વાગ્યે નિઃશસ્ત્ર નિર્દોષ લોકો પર હુમલો કર્યો, જેના પરિણામે ૧૦૦ થી વધુ લોકો ઘાયલ થયા અને ૩૫ થી વધુ લોકો માર્યા ગયા.

અફઘાન નાગરિકે શું કહ્યું?

આતંકવાદ વિરોધી કામગીરીના નામે નાગરિકો પર હવાઈ હુમલા

વિશ્વનું સૌથી મોટું આતંકવાદી આશ્રયસ્થાન, પાકિસ્તાન, સતત તેના દેશમાં આતંકવાદી હુમલાઓ માટે અફઘાનિસ્તાનને દોષી ઠેરવે છે. ગયા વર્ષે સપ્ટેમ્બરથી, પાકિસ્તાની વાયુસેના તેના દેશમાં મોટા આતંકવાદી હુમલાઓના જવાબમાં આતંકવાદ વિરોધી કામગીરીના નામે અફઘાનિસ્તાન પર સતત હુમલાઓ કરી રહી છે. જો કે, દરેક વખતે, પાકિસ્તાની હવાઈ હુમલામાં આતંકવાદીઓની જગ્યાએ નાગરિકો માર્યા જઈ રહ્યા છે. આતંકવાદી છાવણીઓને બદલે, હુમલાઓ નાગરિક ઘરો, હોસ્પિટલો અને શાળાઓને નિશાન બનાવી રહ્યા છે. છેલ્લા નવ મહિનામાં, પાકિસ્તાની વાયુસેનાએ 565 અફઘાન નાગરિકોને માર્યા ગયા છે.