આરોપીની અટકાયત

જામનગરમાં ગોકુલનગર નજીક શ્યામનગર વિસ્તારમાં એલ.સી.બી. ની ટુકડીએ એક મકાન પર દરોડો પાડી ૮૦ નંગ બિયરનો જથ્થો પકડી પાડ્યો છે, અને એક આરોપીની અટકાયત કરી છે.

જામનગરની લોકલ ક્રાઈમ બ્રાન્ચ ની ટીમને ચોક્કસ બાતમી મળી હતી, કે ગોકુલનગર નજીક શ્યામનગર શેરી નંબર પાંચ માં રહેતા દિવ્યરાજસિંહ વનરાજસિંહ જાડેજાના રહેણાંક મકાનમાં બિયરનો જથ્થો ઉતારવામાં આવ્યો છે, જે બાતમીના આધારે એલસીબીની ટુકડીએ દરોડો પાડ્યો હતો, તે દરોડા દરમિયાન મકાનમાંથી ૮૦ નંગ બિયરના ટીન મળી આવ્યા હતા.

પોલીસે રૂપિયા ૮,૦૦૦ ની કિંમત ના બિયરના ટીનનો જથ્થો અને મોબાઈલ ફોન વગેરે સહિત રૂપિયા ૨૮,૦૦૦ ની માલમત્તા કબજે કરી લીધી છે, અને આરોપી દિવ્યરાજસિંહ વનરાજસિંહ જાડેજા ની અટકાયત કરી લઈ તેની સામે દારૂબંધી ભંગ બદલ ગુનો નોંધ્યો છે.