ભાવનગર શહેરના ચાવડી ગેટ હનુમાનજી દાદા ના મંદિર ની બાજુમાં આજે સવારે એક અજાણ્યા યુવાન નો શંકાસ્પદ હાલતમાં મૃતદેહ પડ્યો હોવાની જાણ નીલમબાગ પોલીસને કરાતા પોલીસે દોડી જઈ ગંભીર ઇજા થયેલી સ્થિતિમાં પડેલા મૃતદેહનો કબ્જો લઇ તેને પોસ્ટ મોર્ટમ મસ્ટ સર્ટી હોસ્પિટલમાં ખસેડી મૃતકની ઓળખવિધિ સહિતની કાર્યવાહી હાથ ધરી હતી. મૃતદેહ મળી આવતા સ્થાનિક વિસ્તારમાં ભારે ચકચાર મચી હતી અને સ્થળ પર લોકોના ટોળા ઉમટ્યા હતા. ઉપલબ્ધ પ્રાથમિક વિગતો મુજબ મૃતકને માથાના ભાગે કોઈ બોદર પદાર્થ ના ઘા મારેલા હોવાનું જણાઈ આવ્યું હોય હાલ નીલમબાગ પોલીસે અજાણ્યા યુવાનની હત્યા કરવામાં આવી છે કે અકસ્માતે મોત થયું છે. તે સહિતની બાબતો પર તપાસ આદરી છે. જો કે પોસ્ટ મોર્ટમ રિપોર્ટ આવ્યા બાદ સાચું કારણ જાણવા મળશે. હાલ પોલીસે મૃતકના વાલી-વારસની શોધખોળ માટે નાપ્રયાસ હાથ ધર્યા હોવાનું હોસ્પિટલ પોલીસ ચોકીથી જાણવા મળ્યું હતું.