કચ્છના ભુજ તાલુકાના પાલારા નજીક ખાવડા નેશનલ હાઈવે પર આજે એક હૃદયદ્રાવક ત્રિપલ અકસ્માત સર્જાયો હતો. આ અકસ્માતમાં એક બાઈકસવાર દંપતી અને તેમના પુત્રનું કમનસીબે મોત નીપજ્યું છે. મળતી માહિતી મુજબ બાઈકને એક ડમ્પર અને એક ટ્રેઈલરે અડફેટે લેતા આ કરુણ ઘટના બની હતી.

મૃતકોના નામ

ઇમરાન જુણા સુમરા- ઉ.25

ઝરીના ઇમરાન સુમરા- ઉ.22

ઈમ્તિયાઝ ઇમરાન સુમરા- ઉ.4

આ અકસ્માતના પગલે સમગ્ર વિસ્તારમાં શોકની લાગણી ફેલાઈ ગઈ છે. પોલીસ ઘટનાસ્થળે પહોંચીને વધુ તપાસ હાથ ધરી છે અને અકસ્માતની વિગતો મેળવવાનો પ્રયાસ કરી રહી છે. મૃતકોના પરિવારજનોને જાણ કરવામાં આવી છે. આ દુર્ઘટનાએ ફરી એકવાર હાઈવે પર ટ્રાફિક નિયમોના પાલન અને વાહન ચલાવતી વખતે સાવચેતી રાખવાની જરૂરિયાત પર ભાર મૂક્યો છે.