એ ડિવિઝન પોલીસ સ્ટેશનના પી.આઈ. બી.વી. બોરીસાગરની રાહબરી હેઠળ પી.એસ.આઇ. એસ.એમ. રાણા તથા ટીમ પેટ્રોલીંગમાં હતી દરમિયાન હેડ કોન્સ્ટેબલ સાગરભાઇ દામજીભાઈ માવદીયા, કોન્સ. ધર્મેશભાઈ ખાંડેખાને મળેલી બાતમીના આધારે જ્યુબેલી ચોક પાસેથી હાર્દિક જીલુભાઈ બાલસરા (ઉ. વ.૨૭)(રહે. નવાગામ રામદેવપીર મંદિર પાસે ઝાપડાના ઘર પાસે,સોખડા)ને શંકાસ્પદ બાઇક સાથે પકડી પાડ્યો હતો. બાઈક અંગે આધાર પુરાવા માંગતા આ શખસ સંતોષકારક ઉત્તર આપી શકયો ન હતો. પોલીસે સઘન પૂછપરછ કરતા આ શખસે સિવિલ હોસ્પિટલના પાર્કિંગમાંથી આશરે દસ દિવસ પહેલા બાઈક ચોરી કર્યાની કબુલાત આપી હતી. પોલીસે રૂ.15000ની કિંમતની બાઈક કબજે કરી કાયદેસરની કાર્યવાહી કરી હતી.