શહેરની ભાગોળે આવેલા આવેલા કાંગશીયાળી ગામની સીમમાં ગ્લોબલ ઇન્ડસ્ટ્રીઝ વિસ્તારમાં આવેલ િલપકાર્ટ કંપનીના વેરહાઉસમાં રાત્રીના ભીષણ આગ ભભૂકી ઉઠી હતી. આગના પગલે ફાયરની ટીમે તાકીદે બનાવસ્થળે પહોંચી પાણીનો મારો ચલાવી આગ પર કાબુ મેળવ્યો હતો.
સદભાગ્યે આગની આ ઘટનામાં કોઇ જાનહાની થવા પામી ન હતી. સર્વર મ પાસે આવેલી ઇલેકટ્રીક લાઇનમાં શોર્ટ સર્કિટથી આગ લાગ્યાનું સામે આવ્યું છે. આગની આ ઘટનામાં વેરહાઉસમાં રહેલો મોટાભાગનો સામાન સળગીને ખાખ થઇ જતા મોટાપાયે નુકશાન થયું હોવાનો અંદાજ વ્યકત કરવામાં આવ્યો છે.
આગની આ ઘટના અંગે જાણવા મળતી વિગતો મુજબ, કાંગશીયાળી ગામની સીમમાં આવેલા િલપકાર્ટના વેરહાઉસમાં રાત્રીના અચાનક આગ લાગી હતી. પ્રાથમિક તપાસમાં વેરહાઉસના સર્વર મની બાજુમાંથી પસાર થતી ઇલેકિટ્રક લાઈનમાં શોર્ટ સર્કિટ થવાના કારણે આ આગ લાગી હોવાનું સામે આવ્યું છે. વેરહાઉસમાં મોટા પ્રમાણમાં પેકિંગ મટિરિયલ, પ્લાસ્ટિક, બોકસ અને ગ્રાહકોના ઓર્ડરનો સામાન રાખેલો હોવાથી આગ ઝડપથી પ્રસરી ગઈ હતી. આગ વિકરાળ બનતા ધુમાડાના ગોટેગોટા દૂર–દૂર સુધી જોવા મળ્યા હતાં.
આગની ઘટના અંગે તાત્કાલિક શાપર ફાયરબ્રિગેડને જાણ કરવામાં આવતા જ શાપર ફાયરબ્રિગેડની ટીમ ઘટનાસ્થળે દોડી ગઈ હતી. ફાયર ફાઇટરોએ ચારેય સતત મારો ચલાવીને આગને વધુ ફેલાતી અટકાવી હતી. કલાકોની ભારે જહેમત બાદ
આખરે આગ પર પૂર્ણ કાબૂ મેળવી શકાયો હતો. બનાવની જાણ થતાં જ શાપર પોલીસનો કાફલો પણ ઘટનાસ્થળે પહોંચી ગયો હતો. પોલીસે તુરતં જ વેરહાઉસની આસપાસ સુરક્ષા કોર્ડન કરી લીધો હતો. આ આગની ઘટનામાં મોટી જાનહાનિ થવા પામી ન હતી. આ ભીષણ આગમાં વેરહાઉસની અંદર રહેલો સામાન બળીને સંપૂર્ણપણે ખાખ થયાની શકયતાઓ સેવાઈ રહી છે. જેને લઇ મોટાપાયે નુકશાન થયું હોવાનું અંદાજ વ્યકત કરવામાં આવ્યો છે.