કેન્દ્ર સરકારમાં મંત્રી અને રિપબ્લિકન પાર્ટી ઓફ ઈન્ડિયા (અઠાવલે)ના પ્રમુખ રામદાસ અઠાવલેએ તાજેતરમાં કોકરોચ જનતા પાર્ટીના સંસ્થાપક અભિજીત દીપકેને નેશનલ ડેમોક્રેટિક એલાયન્સ (એનડીએ)માં જોડાવાનું આમંત્રણ આપ્યું હતું. હવે અઠાવલેના આ આમંત્રણ પર અભિજીત દીપકેની પ્રતિક્રિયા સામે આવી છે.
અભિજીત દીપકેએ અઠાવલેના આમંત્રણ પર કટાક્ષ કરતાં કહ્યું કે, હજુ એક મહિના પહેલાં સુધી તમારા માટે હત્પં દેશવિરોધી હતો. તેમણે આ ટિપ્પણી સોશિયલ મીડિયા પ્લેટફોર્મ ઇન્સ્ટાગ્રામ પર કરી છે. સાથે તેમણે એક સમાચારનો સ્ક્રીનશોટ પણ શેર કર્યેા છે.
અભિજીત દીપકેએ અગાઉ ભારતીય જનતા પાર્ટીના કેટલાક નેતાઓ દ્રારા વિરોધ કરી રહેલા વિધાર્થીઓને દેશવિરોધી ગણાવવાના નિવેદનોની ટીકા કરી હતી. તેમણે સઘં પ્રમુખ મોહન ભાગવતના એ નિવેદનનું પણ સમર્થન કયુ હતું, જેમાં ભાગવતે કહ્યું હતું કે જન–ઝીને દેશવિરોધી ન ગણવી જોઈએ.દીપકેએ એવો પણ દાવો કર્યેા હતો કે શિક્ષણ મંત્રી ધર્મેન્દ્ર પ્રધાને પ્રદર્શનકારીઓને આતંકવાદીઓની બી ટીમ ગણાવ્યા હતા, યારે નીતિન નવીને વિરોધકારીઓને વાયરસ ગણાવ્યા હતા.
દરમિયાન, એનડીએના મુખ્ય ઘટક આરપીઆઈના પ્રમુખ રામદાસ અઠાવલેએ તાજેતરમાં અભિજીત દીપકેના વખાણ કરતાં કહ્યું હતું કે તેઓ આંબેડકરવાદી છે અને સક્રિય તથા યુવા છે. તેમણે દીપકેને આરપીઆઈમાં જોડાવા અંગે વિચારવા માટે પણ કહ્યું હતું.અઠાવલેએ વધુમાં કહ્યું હતું કે તેમની સરકાર એવું માને છે કે ખોટું કરનાર વ્યકિતને સજા મળવી જોઈએ. આ નિવેદન બાદ હવે દીપકેની કટાક્ષભરી પ્રતિક્રિયાએ રાજકીય ચર્ચા જગાવી છે.
જોકે, દિલ્હીના જંતર–મંતર ખાતે વિધાર્થીઓના વિરોધ અને ત્યારબાદ સરકારની નીતિઓ અંગેની ઘટનાઓને લઈને કરવામાં આવેલા દાવાઓની સ્વતત્રં પુષ્ટ્રિ આ લખાણમાં ઉપલબ્ધ નથી.